ಉದ್ಘಾಟನೆಗೆ ಅಂಬೇಡ್ಕರ್ ಭವನ ಸಿದ್ಧ

ಪಟ್ಟಣದ ಡಾ.ಬಿ.ಆರ್.ಅಂಬೇಡ್ಕರ್ ಭವನ ಹಾಗೂ ಲಿಂಗಣಾಪುರ ಸಮುದಾಯ ಭವನಕ್ಕೆ ನಗರಸಭೆ ಎಸ್‌ಎಫ್‌ಸಿ ಅನುದಾನದಲ್ಲಿ 5 ಲಕ್ಷ ರೂ.ವೆಚ್ಚದಲ್ಲಿ ಟೇಬಲ್ ಹಾಗೂ ಕುರ್ಚಿಗಳನ್ನು ಗುರುವಾರ ವಿತರಣೆ ಮಾಡಿ ಮತನಾಡಿದರು.

ಈಗಾಗಲೇ ಭವನಕ್ಕೆ 20 ವರ್ಷ ತುಂಬಿದೆ. ಶೌಚಗೃಹ ಆಗಬೇಕೆಂಬ ಬೇಡಿಕೆ ಇದ್ದರಿಂದ ಕಾಮಗಾರಿ ಪ್ರಗತಿಯಲ್ಲಿದೆ. ಕೆಆರ್‌ಐಡಿಎಲ್ ಸುಸಜ್ಜಿತವಾದ ಭವನ ಕೈಗೊಳ್ಳಲಾಗಿದೆ. ಇತ್ತೀಚೆಗೆ ಭವನ ಅಪೂರ್ಣ ಕಾಮಗಾರಿಗೆ ಸಚಿವ ಎಚ್.ಮಹದೇವಪ್ಪ ಅವರು 3 ಕೋಟಿ ರೂ.ಅನುದಾನವನ್ನು ನಿಗದಿಪಡಿಸಿದ್ದರು. ಸದ್ಯ 1 ಕೋಟಿ ರೂ.ಅನುದಾನ ಬಿಡುಗಡೆಗೊಂಡಿದೆ. ಉಳಿದ ಅನುದಾನವನ್ನು ನೀಡುವ ಭರವಸೆ ನೀಡಿದ್ದಾರೆ ಎಂದರು.

ಮುಡಿಗುಂಡ ಬಳಿಯ 250 ಹಾಸಿಗೆ ಸಾಮರ್ಥ್ಯದ ಜಿಲ್ಲಾಸ್ಪತ್ರೆಗೆ ಸಚಿವ ಸಂಪುಟ ಮೊದಲ ಹಂತವಾಗಿ 100 ಹಾಸಿಗೆ ಸಾಮರ್ಥ್ಯದ ಕಾಮಗಾರಿಗಳನ್ನು 48 ಕೋಟಿ ರೂ.ಅಂದಾಜು ಮೊತ್ತದಲ್ಲಿ ನಡೆಸಲು ತೀರ್ಮಾನ ಕೈಗೊಂಡಿದ್ದು, ಆಸ್ಪತ್ರೆ ಶಂಕುಸ್ಥಾಪನೆ ಜತೆಗೆ ಅಂಬೇಡ್ಕರ್ ಭವನಕ್ಕೆ ಚಾಲನೆ ಮತ್ತು ಶಾದಿಮಹಲ್ ಉದ್ಘಾಟನೆ ಆಗಬೇಕೆಂಬುದು ನನ್ನ ಆಸೆಯಾಗಿದೆ ಎಂದು ತಿಳಿಸಿದರು.

ನಗರಸಭೆ ಎಸ್‌ಎಫ್‌ಸಿ ಅನುದಾನದಲ್ಲಿ ಡಾ.ಬಿ.ಆರ್.ಅಂಬೇಡ್ಕರ್ ಸಮುದಾಯ ಭವನಕ್ಕೆ 3 ಲಕ್ಷ ರೂ.ವೆಚ್ಚದಲ್ಲಿ 255 ಚೇರುಗಳು ಹಾಗೂ ಲಿಂಗಣಾಪುರ ಪರಿಶಿಷ್ಟ ಜಾತಿ ಬೀದಿಯ ಸಮುದಾಯ ಭವನಕ್ಕೆ 2 ಲಕ್ಷ ವೆಚ್ಚದಲ್ಲಿ 62 ಚೇರ್, 12 ಊಟದ ಟೇಬಲ್ ವಿತರಣೆ ಮಾಡಲಾಗಿದೆ ಎಂದು ಮಾಹಿತಿ ನೀಡಿದರು.

ಗ್ಯಾರಂಟಿ ಅನುಷ್ಠಾನ ಸಮಿತಿ ಅಧ್ಯಕ್ಷ ರಾಜೇಂದ್ರ, ನಗರಸಭೆ ಪೌರಾಯುಕ್ತೆ ರುದ್ರಮ್ಮ ಶರಣಯ್ಯ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಬಿ.ತೋಟೇಶ್, ಕಾರ್ಯದರ್ಶಿ ಬಸ್ತೀಪುರ ರವಿ, ಸಮುದಾಯ ಸಂಘಟನಾ ಅಧಿಕಾರಿ ಕೆ.ಮಹದೇವ, ಡಾ.ಬಿ.ಆರ್.ಅಂಬೇಡ್ಕರ್ ಸ್ಮಾರಕ ಸಂಘದ ಅಧ್ಯಕ್ಷ ಆನಂದಮೂರ್ತಿ, ಕಾರ್ಯದರ್ಶಿ ಎಂ.ಪಾಪಣ್ಣ, ಸಹ ಕಾರ್ಯದರ್ಶಿ ಶಶಿಧರ್, ನಗರಸಭೆ ಮಾಜಿ ಸದಸ್ಯ ಮಂಜುನಾಥ್, ರಾಘವೇಂದ್ರ, ಶಾಂತರಾಜು ಬಸ್ತೀಪುರ, ಲಿಂಗಣಾಪುರ ಯಜಮಾನರು ಇದ್ದರು.