ಮಡಿವಾಳ ಸಮುದಾಯದ ಬೇಡಿಕೆಗಳ ಈಡೇರಿಕೆಗೆ ಕ್ರಮ

ಪಟ್ಟಣದ ತಟ್ಟೆಹಳ್ಳ ಸಮೀಪದ ಬ್ರಾಹ್ಮಣರ ಬೀದಿಯಲ್ಲಿ ಭಾನುವಾರ 16 ಲಕ್ಷ ರೂ. ವೆಚ್ಚದಲ್ಲಿನ ಸಮುದಾಯ ಭವನ ನಿರ್ಮಾಣ ಕಾಮಗಾರಿಗೆ ಭೂಮಿಪೂಜೆ ನೆರವೇರಿಸಿ ಮಾತನಾಡಿದರು.

ಪಟ್ಟಣದಲ್ಲಿ ಮಡಿವಾಳ ಸಮುದಾಯಕ್ಕೆ ಭವನ ಇರಲಿಲ್ಲ. ಇದರಿಂದ ಸಮುದಾಯದ ಜನರು ಸಭೆ, ಕಾರ್ಯಕ್ರಮಗಳನ್ನು ಆಯೋಜಿಸಬೇಕಾದರೆ ಸಮಸ್ಯೆ ಎದುರಿಸುತ್ತಿದ್ದರು. ಇದನ್ನು ಮನಗಂಡ ಹಿರಿಯ ಮುಖಂಡರು ಹಲವು ವರ್ಷಗಳ ಹಿಂದೆಯೇ ವೈಯಕ್ತಿಯವಾಗಿ ಹಣವನ್ನು ಕ್ರೋಡೀಕರಿಸಿ ನಿವೇಶನವನ್ನು ಖರೀದಿಸಿದ್ದರು. ಆದರೆ ಈವರೆಗೂ ಅನುದಾನ ಸಿಗದ ಪರಿಣಾಮ ಭವನ ನಿರ್ಮಾಣ ಸಾಧ್ಯವಾಗಿರಲಿಲ್ಲ. ಭವನ ನಿರ್ಮಿಸಬೇಕು ಎನ್ನುವುದು ಸಮುದಾಯದ ಜನರ ಹಲವು ವರ್ಷಗಳ ಕನಸು. ಈ ಬಗ್ಗೆ ಮನವಿ ಮಾಡಿದ್ದರು. ಇದನ್ನು ಮನಗಂಡು ಶಾಸಕರ ಅನುದಾನದಲ್ಲಿ 16 ಲಕ್ಷ ರೂ. ವೆಚ್ಚದಲ್ಲಿ ಭವನ ನಿರ್ಮಾಣಕ್ಕೆ ಭೂಮಿಪೂಜೆ ನೆರವೇರಿಸಲಾಗುತ್ತಿದೆ. ಅಗತ್ಯವಿರುವ ಇನ್ನುಳಿದ ಅನುದಾನವನ್ನು ಮುಂದಿನ ದಿನಗಳಲ್ಲಿ ನೀಡಲಾಗುವುದು. ಆದರೂ ಸಮುದಾಯದ ಮುಖಂಡರು ಭವನ ನಿರ್ಮಾಣಕ್ಕೆ ಕೈ ಜೋಡಿಸಬೇಕು ಎಂದು ತಿಳಿಸಿದರು.

ಮಡಿವಾಳ ಸಂಘದ ಜಿಲ್ಲಾಧ್ಯಕ್ಷ ರೇವಣ್ಣ, ಪಿಎಸಿಸಿ ನಿರ್ದೇಶಕ ಮಂಜೇಶ್, ಪಪಂ ಮಾಜಿ ಅಧ್ಯಕ್ಷೆ ಮುಮ್ತಾಜ್‌ಬಾನು, ಮಾಜಿ ಸದಸ್ಯ ಸಿದ್ದರಾಜು, ನಿರ್ಮಿತಿ ಕೇಂದ್ರದ ಎಇಇ ರವಿಕುಮಾರ್, ಮುಖಂಡರಾದ ರುದ್ರಣ್ಣ, ಮೋಹನ್, ರಮೇಶ್, ರವೀಂದ್ರ, ನಿಂಗರಾಜು, ರಾಜುಗೌಡ, ರವಿ, ಮಾದೇವ, ನಾಗರಾಜು ಇನ್ನಿತರರು ಇದ್ದರು.