ಜನರು 136 ಸೀಟು ಕೊಟ್ಟು ಗೆಲ್ಲಿಸಿದ್ದಾರೆ. ರಾಜಿನಾಮೆ ಕೇಳುವುದಕ್ಕೆ ಬಿಜೆಪಿ-ಜೆಡಿಎಸ್ನವರು ಯಾರು?. ಅವರ ತಟ್ಟೆಯಲ್ಲಿ ಹೆಗ್ಗಣ ಬಿದ್ದಿದೆ, ಪಕ್ಕದ ತಟ್ಟೆಯಲಿ ಇಲಿ ನೋಡುತ್ತಿದ್ದಾರೆ. ಕುಮಾರಸ್ವಾಮಿ, ಶಶಿಕಲಾ ಜೊಲ್ಲೆ, ಜನಾರ್ಧನ ರೆಡ್ಡಿ, ನಿರಾಣಿ ಮೇಲೆ ಹಗರಣಗಳ ತನಿಖೆ ಆಗಿದೆ. ಗವರ್ನರ್ ಬಳಿ ಪ್ರಾಸಿಕ್ಯೂಷನ್ಗೆ ಅನುಮತಿ ಕೇಳಿದ್ದಾರೆ. ಮೊದಲು ಅದಕ್ಕೆ ಪ್ರಾಸಿಕ್ಯೂಷನ್ ಕೊಡಿ. ಯಾವ ರೀತಿ ತನಿಖೆ, ನೋಟೀಸ್ ಕೊಡಬೇಕೆಂದು ಕೇಂದ್ರ ಎಸ್ಒಪಿ ಹೊರಡಿಸಿದೆ. ಆದರೆ ಇವರು ಮುಡಾ ಹಗರಣ ಎತ್ತಿಕೊಂಡಿದ್ದಾರೆ. ಈ ಸಂಬಂಧ ಸಮಿತಿ ರಚನೆಯಾಗಿದೆ. ಒಂದು ತಿಂಗಳಲ್ಲಿ ಎಲ್ಲವೂ ಗೊತ್ತಾಗುತ್ತದೆ. ಮುಡಾ ಎಲ್ಲರ ಕುತ್ತಿಗೆಗೆ ಬರಲಿದೆ ಕಾದು ನೋಡಿ. ಮುಡಾ ಹಗರಣದಲ್ಲಿ ಸಿದ್ದರಾಮಯ್ಯ ವಿಚಾರವೇ ಇಲ್ಲ. ಆದ್ದರಿಂದ ಪ್ರಾಸಿಕ್ಯೂಷನ್ಗೆ ಅನುಮತಿ ಎಂದು ಏನು ರಾಜಿನಾಮೆ ಕೊಡುವುದುಕ್ಕೆ ಆಗುತ್ತಾ ಎಂದು ಪ್ರಶ್ನೆ ಮಾಡಿದರು.
