ಅಧಿಕಾರದಲ್ಲಿರುವ ಸರ್ಕಾರ ತೆಗೆಯಬೇಕು, ಮತ್ತೆ ಏನಾದರೂ ಮಾಡಬೇಕು ಎಂಬುದೇ ಅವರ ಕೆಲಸ. ನಮ್ಮ ಪಕ್ಷದವರೆಲ್ಲ ಅವರ ಮನೆಯಲ್ಲಿ ಇದ್ದಾರಾ?. ಕೆಲವರಿಗೆ ಚಪಲ, ನಾವು ಏನು ಮಾಡುವುದಕ್ಕೆ ಆಗಲ್ಲ. ಮಾಜಿ ಸಿಎಂ, ಕೇಂದ್ರ ಸಚಿವರಾದವರು ಈ ರೀತಿ ಹೇಳುವುದು ದೊಡ್ಡ ಅಪರಾಧ. ರಾಜ್ಯದ ಜನರು 136 ಶಾಸಕರನ್ನ ಜನ ಸುಮ್ಮನೆ ಆಯ್ಕೆ ಮಾಡಿದ್ದಾರೆ. ರಾಜ್ಯ ಸರ್ಕಾರ ಇರಲ್ಲ ಎಂದು ಇವತ್ತು ಹೇಳಿಲ್ಲ. ಬದಲಿಗೆ ಸರ್ಕಾರ ರಚನೆಯಾದ ದಿನದಿಂದಲೂ ಹೇಳುತ್ತಿದ್ದಾರೆ. 123 ಕ್ಷೇತ್ರ ಗೆಲ್ಲುತ್ತೇವೆ, ಇಲ್ಲ ಎಂದರೆ ರಾಜೀನಾಮೆ ಮಾಡಿ ಪಕ್ಷ ವಿಸರ್ಜನೆ ಮಾಡುತ್ತೇನೆಂದು ಹೇಳುತ್ತಲೇ ಇದ್ದಾರೆ. ರಾಜಕೀಯದಿಂದಲೇ ದೂರ ಹೋಗುತ್ತೇನೆ ಎಂದು 2018, 2023ರಲ್ಲೂ ಹೇಳಿದ್ದರು. ಆ ರೀತಿ ನಡೆದುಕೊಂಡಿದ್ದಾರೆ. ಇನ್ನು ಈಗ ಚುನಾವಣೆ ಆಗುತ್ತಾ?. ರಾಜ್ಯದಲ್ಲಿ ಯಾವತ್ತೂ ಬಿಜೆಪಿ 113 ಕ್ಷೇತ್ರ ಹಾಗೂ 30 ವರ್ಷದಿಂದ ಜೆಡಿಎಸ್ 50 ಕ್ಷೇತ್ರ ದಾಟಿಲ್ಲ. ಹಾಗಿದ್ದ ಮೇಲೆ ಯಾವ ರೀತಿ ಸರ್ಕಾರ ಮಾಡುತ್ತಾರೆ. ನಮ್ಮ 136 ಶಾಸಕರನ್ನ ಹೊತ್ತುಕೊಂಡು ಹೋಗುವುದಕ್ಕೆ ಆಗುತ್ತಾ. ಅದೆಲ್ಲ ಆಗದಿರುವ ಕೆಲಸ ಎಂದರು.
