ನಾಲ್ಕು ತಾಲೂಕುಗಳನ್ನೊಳಗೊಂಡಿರುವ ರಾಜಧಾನಿ ಬೆಂಗಳೂರಿನ ಗಡಿ ಹಂಚಿಕೊಂಡಿರುವ ಗ್ರಾಮಾಂತರ ಜಿಲ್ಲೆ ನಗರೀಕರಣ, ಕೈಗಾರೀಕರಣದತ್ತ ವೇಗವಾಗಿ ಮುನ್ನುಗ್ಗುತ್ತಿದೆ. 105 ಪಂಚಾಯಿತಿ, 3 ನಗರಸಭೆ, 2 ಪುರಸಭೆ 1 ಪಟ್ಟಣ ಪಂಚಾಯಿತಿ ವ್ಯಾಪ್ತಿಯ ಗ್ರಾಮಾಂತರ ಜಿಲ್ಲೆಗೆ ಇದುವರೆಗೆ ಜಿಲ್ಲಾ ಕೇಂದ್ರವಿಲ್ಲದಿರುವುದು ಕಪ್ಪುಚಿಕ್ಕೆಯಾಗಿಯೇ ಉಳಿದಿದೆ. ಇತ್ತೀಚಿನ ವರ್ಷಗಳಲ್ಲಿ ಜಿಲ್ಲಾಧಿಕಾರಿಗಳಾಗಿದ್ದ ಕರೀಗೌಡ, ಪಿ.ಎನ್.ರವೀಂದ್ರ, ಶ್ರೀನಿವಾಸ್, ಲತಾ ನಂತರದಲ್ಲಿ ಬಂದ ಡಾ.ಎನ್.ಶಿವಶಂಕರ್ ಸಾಕಷ್ಟು ಕೆಲಸ ಮಾಡಿದ್ದರು. ಜಿಲ್ಲೆಯ ಜನರ ಪ್ರೀತಿ ವಿಶ್ವಾಸ ಗಳಿಸಿದ್ದರು. ಯಾವುದೇ ವಿವಾದಗಳಿಲ್ಲದೆ ಅಚ್ಚುಕಟ್ಟುತನ, ಸರಳತೆಯಿಂದ ಜನಮನ್ನಣೆಗಳಿಸಿದ್ದರು. ಇದರ ಸಾಲಿಗೆ ನೂತನ ಜಿಲ್ಲಾಧಿಕಾರಿಯಾಗಿ ಐಎಎಸ್ ಅಧಿಕಾರಿ ಎ.ಬಿ.ಬಸವರಾಜು ಅಧಿಕಾರ ವಹಿಸಿಕೊಂಡಿದ್ದಾರೆ. ಇವರ ಮುಂದಿರುವ ಪ್ರಮುಖ ಸವಾಲುಗಳ ಬಗ್ಗೆ ಒಂದು ಕಿರುನೋಟ.
