ಮಂಗಳೂರು : ನಗರದ ಸಿಎಫ್ಎಎಲ್ (ಸೆಂಟರ್ ಫಾರ್ ಅಡ್ವಾನ್ಸ್ಡ್ ಲರ್ನಿಂಗ್) ಸಂಸ್ಥೆಯ ಮೂವರು ವಿದ್ಯಾರ್ಥಿಗಳು ಪ್ರಾದೇಶಿಕ ಗಣಿತ ಒಲಿಂಪಿಯಾಡ್-2024ರಲ್ಲಿ ಮಹತ್ವದ ಸಾಧನೆ ಮಾಡಿದ್ದಾರೆ. ರಿಶನ್ ಫೆರ್ನಾಂಡಿಸ್ (57ಅಂಕ), ಲಾರೆನ್ ಮರಿಯನ್ ಪತ್ರಾವೊ (52 ಅಂಕ) ಮತ್ತು ಅಭಿ ಸಣ್ಣಯ್ಯ (49 ಅಂಕ) ಪಡೆದು ಜ.19ರಂದು ನಡೆಯಲಿರುವ ಭಾರತೀಯ ರಾಷ್ಟ್ರೀಯ ಗಣಿತ ಒಲಂಪಿಯಾಡ್ (ಐಎನ್ಎಂಒ) ಗೆ ಅರ್ಹತೆ ಪಡೆದಿದ್ದಾರೆ.ಈ ವರ್ಷ ಕರ್ನಾಟಕದಿಂದ ಒಟ್ಟು 41 ವಿದ್ಯಾರ್ಥಿಗಳು ಐಎನ್ಎಂಒಗೆ ಅರ್ಹತೆ ಪಡೆದಿದ್ದಾರೆ.
ಮಂಗಳೂರಿನ ಸಿಎಫ್ಎಎಲ್ ಸಂಸ್ಥೆ ಜೆಇಇ, ನೀಟ್, ಒಲಿಂಪಿಯಾಡ್ ಮತ್ತು ಇತರ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಅನುಗುಣವಾಗಿ ತನ್ನ ಸಮಗ್ರ ತರಬೇತಿ ಕಾರ್ಯಕ್ರಮಗಳಿಗೆ ಹೆಸರುವಾಸಿಯಾಗಿದೆ. ನವೀನ ಬೋಧನಾ ಅಭ್ಯಾಸಗಳು ಮತ್ತು ವಿದ್ಯಾರ್ಥಿ ಕೇಂದ್ರಿತ ವಿಧಾನದ ಮೂಲಕ, ಸಿಎಫ್ಎಎಲ್ ಸ್ಟೆಮ್ ಶಿಕ್ಷಣದಲ್ಲಿ ವಿಶ್ವಾಸಾರ್ಹ ಸಂಸ್ಥೆಯಾಗಿ ಬೆಳೆದಿದೆ.
