ರಾಜ್ಯ ಸರ್ಕಾರದ ಗ್ಯಾರಂಟಿ ಯೋಜನೆಗಳಿಂದಾಗಿ ಆರ್ಥಿಕ ಸ್ಥಿತಿ ಸಂಪೂರ್ಣ ಹದಗೆಟ್ಟಿದ್ದು, ಮಾಸಿಕ ಖರ್ಚು-ವೆಚ್ಚಗಳು ಸರ್ಕಾರಕ್ಕೆ ಹೊರೆಯಾಗುತ್ತಿದೆ. ವೇತನ, ಸಾಲ ಪಾವತಿ, ಗ್ಯಾರಂಟಿಗಳು ಸೇರಿ ಮಾಸಿಕ ಖರ್ಚು 14,556 ಕೋಟಿ ರೂ., ತೆರಿಗೆ ಹಾಗೂ ಇತರ ಮೂಲಕಗಳಿಂದ ಮಾಸಿಕ ಆದಾಯ12.742 ಕೋಟಿ ರೂ. ಇದೆ. ಮಾಸಿಕ ಖರ್ಚಿನ ಕೊರತೆ 1,814 ಕೋಟಿ ರೂ. ಇದ್ದು, ಅಭಿವೃದ್ಧಿ ಕೆಲಸಗಳ ಮೇಲೆ ದೊಡ್ಡ ಪರಿಣಾಮ ಉಂಟು ಮಾಡಿದೆ. ಸರ್ಕಾರಿ ನೌಕರರ ಸಂಬಳ, ಪಿಂಚಣಿ ಇತರ ಮಾಸಿಕ ವೆಚ್ಚ 7,500 ಕೋಟಿ ರೂ., ಗ್ಯಾರಂಟಿ ಯೋಜನೆಗೆ ಮಾಸಿಕ ವೆಚ್ಚ 4,300 ಕೋಟಿ ರೂ., ಸಾಮಾಜಿಕ ಭದ್ರತೆಗೆ 886 ಕೋಟಿ ರೂ., ಮಾಸಿಕ ಸಾಲ ಮರುಪಾವತಿ 1,870 ಕೋಟಿ ರೂ. ಹೀಗೆ ಒಟ್ಟು ಮಾಸಿಕ ಖರ್ಚು 14,556 ಕೋಟಿ ರೂ. ಇದ್ದು, ಮಾಸಿಕ ಆದಾಯಕ್ಕಿಂತ ಬಾಬ್ತಿನ ಮೊತ್ತವೇ ಹೆಚ್ಚಾಗಿದ್ದು, ಹೆಚ್ಚುವರಿ ಹಣದ ಕೊರತೆಯಿಂದ ಸರ್ಕಾರ ಕಂಗಾಲಾಗಿದ್ದು, ಆರ್ಥಿಕ ವ್ಯವಸ್ಥೆಯನ್ನೇ ಹದಗೆಡಿಸಿದೆ ಎಂದು ಕವಟಗಿಮಠ ಆರೋಪಿಸಿದರು.
