ಶಾಂತಿ, ಸೌಹಾರ್ದದಿಂದ ಹಬ್ಬ ಆಚರಿಸಿ

ನೆಲಮಂಗಲ : ಗಣೇಶೋತ್ಸವ ಮತ್ತು ಈದ್​ ಮಿಲಾದ್​ ಹಬ್ಬಗಳನ್ನು ಹಿಂದು&ಮುಸ್ಲಿಮರು ಶಾಂತಿ, ಸೌಹಾರ್ದತೆಯೊಂದಿಗೆ ಧಾರ್ಮಿಕ ಭಾವನೆಗೆ ದಕ್ಕೆಯಾಗದಂತೆ ಆಚರಿಸಬೇಕು ಎಂದು ನಗರ ಠಾಣೆ ಆರಕ್ಷಕ ನಿರೀಕ್ಷಕ ಭರತ್​ಗೌಡ ತಿಳಿಸಿದರು.

ನಗರದ ಡಾ.ಬಿ.ಆರ್​.ಅಂಬೇಡ್ಕರ್​ ಭವನದಲ್ಲಿ ನಗರ ಪೊಲೀಸ್​ ಠಾಣೆ ಹಾಗೂ ನಗರಸಭೆ ಸಹಯೋಗದಲ್ಲಿ ಪ್ರಯುಕ್ತ ಆಯೋಜಿಸಿದ್ದ ಶಾಂತಿ ಸಭೆಯಲ್ಲಿ ಮಾತನಾಡಿದರು. ಗಣೇಶ ಮಂಡಳಿಯವರು ಸಾರ್ವಜನಿಕರಿಗೆ ತೊಂದರೆಯಾಗದಂತೆ ನೋಡಿಕೊಳ್ಳಬೇಕು. ಪರವಾನಗಿ ಪಡೆದು ಮಂಟಪ ನಿರ್ಮಿಸಬೇಕು. ಆಯಾ ಪ್ರದೇಶದ ಜನ ಪ್ರತಿನಿಧಿಗಳು, ಹಿರಿಯರು ಜವಾಬ್ದಾರಿ ವಹಿಸಿಕೊಳ್ಳಬೇಕು.

ಸಮಾಜದ ಸ್ವಾಸ್ಥ$್ಯ ಕಾಪಾಡುವ ನಿಟ್ಟಿನಲ್ಲಿ ಪೊಲೀಸ್​ ಇಲಾಖೆ ಕೈಗೊಳ್ಳುವ ಕ್ರಮಗಳಿಗೆ ಎಲ್ಲರೂ ಸಹಕಾರ ನೀಡಬೇಕು. ಗಣೇಶೋತ್ಸವ ಆಚರಣೆಗೆ ಸಂಟನೆಗಳು ಪೊಲೀಸರಿಂದ ಹಾಗೂ ಸಂಬಂಧಿಸಿದ ಇತರ ಕಚೇರಿಗಳಿಂದಲೂ ಕಡ್ಡಾಯವಾಗಿ ಅನುಮತಿ ಪಡೆಯಬೇಕು ಎಂದರು. ನಗರಸಭೆ ಸದಸ್ಯ ಶಿವಕುಮಾರ್​, ನಗರ ಠಾಣೆ ಸಬ್​ ಇನ್ಸ್​ಸ್ಪೆಕ್ಟರ್​ ನಂಜಯ್ಯ, ಧನರಾಜ್​, ಎಎಸ್​ಐ ಬಿ.ಎಸ್​.ರು, ಸಿಬ್ಬಂದಿ ಚನ್ನೇಗೌಡ, ಪ್ರದಿಪ್​, ಲ್ಮಕಾಂತ್​, ಅವಿನಾಶ್​, ಗಣೇಶ್​, ಮಧನ್​ಕುಮಾರ್​, ಶಿವಕುಮಾರ್​, ಆಕಾಶ್​, ನಗರಸಭೆ ಆರೋಗ್ಯ ನಿರೀಕ್ಷಕ ಬಿಜಿ, ಉಮೇಶ್​, ಸಮುದಾಯ ಸಂಟಕ ನಾರಾಯಣ್​ಸ್ವಾಮಿ ಇದ್ದರು.

ಅನುಮತಿ,ಸುರಕ್ಷತೆ ಕಡ್ಡಾಯ : ಗಣಪತಿ ಪ್ರತಿಷ್ಠಾಪನೆಗೂ ಮುನ್ನ ಪೊಲೀಸ್​ ಇಲಾಖೆ, ಸ್ಥಳಿಯ ಆಡಳಿತ, ಅಗ್ನಿಶಾಮಕ ಇಲಾಖೆ, ಬೆಸ್ಕಾಂ ಇಲಾಖೆಯಿಂದ ಅನುಮತಿ ಪಡೆಯಬೇಕು. ಗಣಪತಿ ಮೆರವಣಿಗೆ ಸಾಗುವ ಮಾರ್ಗವನ್ನು ಸ್ಪಷ್ಟವಾಗಿ ನಮೂದಿಸಬೇಕು. ಸುರಕ್ಷತೆಯ ಉದ್ದೇಶದಿಂದ ಕಡ್ಡಾಯವಾಗಿ ಸಿಸಿಟಿವಿ ಕ್ಯಾಮೆರಾ ಅಳವಡಿಸಿಕೊಳ್ಳಬೇಕು ಎಂದು ಆರಕ್ಷಕ ನಿರೀಕ್ಷಕ ಭರತ್​ಗೌಡ ಸೂಚನೆ ನೀಡಿದರು.

ಪಿಒಪಿ ಮೂರ್ತಿ ನಿಷೇಧ : ಪಿಒಪಿ ಗಣೇಶ ಮೂರ್ತಿಗಳನ್ನು ಯಾರೂ ಮಾರಾಟ ಮಾಡಬಾರದು. ಪರಿಸರ ಸ್ನೇಹಿ ಗಣೇಶ ಮೂರ್ತಿಯನ್ನು ಮಾರಾಟ ಹಾಗೂ ಪ್ರತಿಷ್ಠಾಪಿಸಬೇಕು. ನಗರದಲ್ಲಿ ಮನೆಗಳ ಗಣಪತಿ ವಿಸರ್ಜನೆಗೆ ಮೊಬೈಲ್​ ಟ್ಯಾಂಕರ್​ ವ್ಯವಸ್ಥೆ ಸೇರಿ ಪ್ರತಿವರ್ಷದಂತೆ ಭಕ್ತನಪಾಳ್ಯ ರಸ್ತೆಯಲ್ಲಿ ತಾತ್ಕಾಲಿಕ ಹೊಂಡ ನಿರ್ಮಿಸಿ ಗಣಪತಿ ವಿಸರ್ಜನೆ ಅವಕಾಶ ಕಲ್ಪಿಸಲಾಗುವುದು ಎಂದು ನಗರಸಭೆ ಪೌರಾಯುಕ್ತ ಗಂಗಾಧರ್​ ಹೇಳಿದರು.