ಕೊಪ್ಪಳದಾದ್ಯಂತ ಸೆ.1ರಿಂದ ರಾಷ್ಟ್ರೀಯ ಜಾನುವಾರು ಗಣತಿ

ಕೊಪ್ಪಳ: ಪಶುಪಾಲನಾ ಮತ್ತು ಪಶುವೈದ್ಯಕಿಯ ಸೇವಾ ಇಲಾಖೆಯಿಂದ ಜಿಲ್ಲೆಯಾದ್ಯಂತ 21ನೇ ರಾಷ್ಟ್ರೀಯ ಜಾನುವಾರು ಗಣತಿ ಕಾರ್ಯ ಸೆಪ್ಟೆಂಬರ್​ 1 ರಿಂದ ಡಿಸೆಂಬರ್​ 31ರವರೆಗೆ ಹಮ್ಮಿಕೊಳ್ಳಲಾಗಿದೆ.

ಜಿಲ್ಲೆಯಲ್ಲಿ ಒಬ್ಬರು ಜಿಲ್ಲಾ ನೋಡಲ್​ ಅಧಿಕಾರಿಗಳು, 7 ಜನ ತಾಲೂಕು ನೋಡಲ್​ ಅಧಿಕಾರಿಗಳು, 11 ಜನ ಮೇಲ್ವಿಚಾರಕರು ಮತ್ತು 59 ಜನ ಗಣತಿದಾರರು 21ನೇ ಜಾನುವಾರು ಗಣತಿಯಲ್ಲಿ ಕಾರ್ಯನಿರ್ವಹಿಸಲಿದ್ದು, ಗಣತಿದಾರರು ಮನೆ ಮನೆಗೆ ಭೇಟಿ ನೀಡಿ ಜಾನುವಾರು ಗಣತಿಯ ಮಾಹಿತಿಯನ್ನು ಸಂಗ್ರಹಿಸಲಿದ್ದಾರೆ.

ಜಿಲ್ಲೆಯ ಸಾರ್ವಜನಿಕರು ಸಹಕರಿಸಿ ನಿಖರವಾದ ಮಾಹಿತಿಗಳನ್ನು ಗಣತಿದಾರರಿಗೆ ನೀಡಬೇಕು ಎಂದು ಪಶುಪಾಲನಾ ಮತ್ತು ಪಶುವೈದ್ಯಕಿಯ ಸೇವಾ ಇಲಾಖೆಯ ಉಪನಿರ್ದೇಶಕರಾದ ಡಾ ಪಿ.ಎಂ.ಮಲ್ಲಯ್ಯ ತಿಳಿಸಿದ್ದಾರೆ.