ಶಾಮಿಯಾನ ಮಾಲೀಕರದ್ದೂ ಇದೇ ಸ್ಥಿತಿ. ಹೆಚ್ಚು ಜನ ಸೇರಲು ಅವಕಾಶ ಇಲ್ಲದಿರುವುದರಿಂದ ಶಾಮಿಯಾನದ ಅವಶ್ಯಕತೆ ಇರುವುದಿಲ್ಲ. ಮದುವೆಗಳು ಸಭಾಂಗಣದಲ್ಲಿ ನಡೆಯುತ್ತವೆ. ಮನೆಯಲ್ಲಿ ಹೆಚ್ಚು ಜನ ಸೇರದ ಕಾರಣ ಶಾಮಿಯಾನಕ್ಕೆ ಮುಂಗಡ ನೀಡಿದವರೂ ರದ್ದುಪಡಿಸಿದ್ದಾರೆ. ಚೇರ್, ಪಾತ್ರೆ, ಟೇಬಲ್ಗಳ ಅವಶ್ಯಕತೆಯೂ ಇಲ್ಲದೆ ಇರುವುದರಿಂದ ಬಾಡಿಗೆಗೆ ಪಡೆಯುವ ಪ್ರಮೇಯವೂ ಇಲ್ಲದಂತಾಗಿದೆ. ವೇದಿಕೆ ಅಲಂಕಾರ, ಹೂವು ಮಾರಾಟಗಾರರು, ಫೋಟೋಗ್ರಾಫರ್, ವಿಡಿಯೋಗ್ರಾಫರ್, ಅಡುಗೆ ಮಾಡುವವರು, ಪುರೋಹಿತರು, ಟ್ಯಾಕ್ಸಿ, ಬಸ್, ವ್ಯಾನ್ ಚಾಲಕ, ಮಾಲೀಕರಿಗೆ ಈ ನೈಟ್ ಕರ್ಫ್ಯೂ ಹಾಗೂ ವಾರಾಂತ್ಯ ಲಾಕ್ಡೌನ್ ಬಹಳಷ್ಟು ನಷ್ಟ ಉಂಟು ಮಾಡಿದೆ. ಹೂವು ಮಾರಾಟಕ್ಕೂ ನಿರ್ಬಂಧ ವಿಧಿಸಿದ್ದರಿಂದ ಮಾರಾಟಗಾರರಿಗೂ, ಖರೀದಿದಾರರಿಗೂ ಸಮಸ್ಯೆ ಎದುರಾಗಿದೆ. ಫೋಟೋಗ್ರಾಫರ್, ವಿಡಿಯೋಗ್ರಾಫರ್ಗೆ ಪ್ರಸ್ತುತ ಮದುವೆಯಂಥ ಸಮಾರಂಭಗಳ ಬೇಡಿಕೆಯಷ್ಟೇ ಇದೆ.
