ಮೂವರ ವಿರುದ್ಧ ಪ್ರಕರಣ

ಹುಬ್ಬಳ್ಳಿ: ಕಸಾಯಿಖಾನೆಗೆ ಸಾಗಾಟ ಮಾಡುತ್ತಿದ್ದ ಹೋರಿಕರ ಮತ್ತು ಆಕಳು ಕರು ರಕ್ಷಣೆ ಮಾಡಿರುವ ಹುಬ್ಬಳ್ಳಿ ಗ್ರಾಮೀಣ ಠಾಣೆ ಪೊಲೀಸರು, ಮೂವರ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಧಾರವಾಡದ ಮೈನುದ್ದೀನ ಗೋಡೆವಾಲೆ, ಫಿರೋಜ್ ಬೇಪಾರಿ, ಇಮ್ರಾನ್ ಬೇಪಾರಿ ವಿರುದ್ಧ ಪ್ರಕರಣ ದಾಖಲಾಗಿದೆ.

ಶರೆವಾಡ-ಬೆಟದೂರ ರಸ್ತೆಯ ಛಬ್ಬಿ ಗ್ರಾಮದ ಹತ್ತಿರ ಗೂಡ್ಸ್ ವಾಹನದಲ್ಲಿ ಹಸುಗಳನ್ನು ಸಾಗಿಸುತ್ತಿದ್ದಾಗ ದಾಳಿ ಮಾಡಿ ಹೋರಿಕರ ಮತ್ತು ಆಕಳು ಕರು ರಕ್ಷಣೆ ಮಾಡಲಾಗಿದೆ. ವಾಹನ ಸೇರಿ 1.18 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.