ಚಟುವಟಿಕೆ ಮೇಲೆ ಪರಿಣಾಮ: ಚುನಾವಣೆ ನಡೆಯದಿದ್ದರೆ ಗ್ರಾಪಂ ಚಟುವಟಿಕೆ ಮೇಲೆ ಪರಿಣಾಮ ಬೀರಲಿದೆ. 14ನೇ ಹಣಕಾಸು ಯೋಜನೆಗಳ ಮೂಲಕ ಕೈಗೊಳ್ಳುವ ಕಾಮಗಾರಿಗಳು ಮತ್ತು ನರೇಗಾ ಯೋಜನೆ ಸೇರಿ ವಿವಿಧ ಯೋಜನೆಗಳ ಚಟುವಟಿಕೆಗಳು ನಡೆಯುತ್ತವೆ. ಇದರಲ್ಲಿ ಪ್ರಮುಖವಾಗಿ 14ನೇ ಹಣಕಾಸು ಮತ್ತು ನರೇಗಾ ಯೋಜನೆ ಹಣ ಸಂಪೂರ್ಣವಾಗಿ ಆನ್ಲೈನ್ ಮೂಲಕವೇ ಲಾನುಭವಿಗಳು ಮತ್ತು ಗುತ್ತಿಗೆದಾರರ ಖಾತೆಗೆ ಜಮೆಯಾಗುತ್ತದೆ. ಆನ್ಲೈನ್ ಮೂಲಕ ಹಣ ಸಂದಾಯವಾಗಬೇಕಾದರೆ, ಆಯಾ ಗ್ರಾಪಂಗಳ ಅಧ್ಯಕ್ಷರ ಬೆರಳಚ್ಚು ನೀಡಬೇಕು. ಇಲ್ಲವಾದರೆ ಹಣ ಖಾತೆಗೆ ಸೇರುವುದಿಲ್ಲ. ಸರ್ಕಾರ ಕೂಡಲೇ ಸ್ಪಷ್ಟ ನಿರ್ದೇಶನ ಕೈಗೊಂಡು, ನರೇಗಾ, 14ನೇ ಹಣಕಾಸು ಯೋಜನೆಯನ್ನು ಸುಸೂತ್ರವಾಗಿ ನಡೆಸುವ ನಿಟ್ಟಿನಲ್ಲಿ ಕ್ರಮ ಕೈಗೊಳ್ಳಬೇಕಿದೆ.
