ಕೆನರಾ ಬ್ಯಾಂಕ್​ ನಿವೃತ್ತ ಅಧಿಕಾರಿಗಳ ಸಭೆ ನಾಳೆ

ವಿಜಯವಾಣಿ ಸುದ್ದಿಜಾಲ ಧಾರವಾಡ
ಕೆನರಾ ಬ್ಯಾಂಕ್​ ನಿವೃತ್ತ ಅಧಿಕಾರಿಗಳ ಸಂಘದ ಸರ್ವ ಮತ್ತು ಸಹ ಸದಸ್ಯರ ಸಭೆಯನ್ನು ಜೂ. 16ರಂದು ಬೆಳಗ್ಗೆ 10 ಗಂಟೆಗೆ ಇಲ್ಲಿನ ಆಲೂರು ವೆಂಕಟರಾವ್​ ಸಭಾ ಭವನದಲ್ಲಿ ಏರ್ಪಡಿಸಲಾಗಿದೆ.
ಕರ್ನಾಟಕ ಗ್ರಾಮೀಣ ವಿಕಾಸ ಬ್ಯಾಂಕ್​ ಅಧ್ಯಕ್ಷ ಶ್ರೀಕಾಂತ ಭಂಡಿವಾಡ, ಕೆನರಾ ಬ್ಯಾಂಕ್​ ಹುಬ್ಬಳ್ಳಿ ಪ್ರಾದೇಶಿಕ ಕಚೇರಿ ಉಪ ಮಹಾ ಪ್ರಬಂಧಕ ಸಾಜಲ್​ ಸಮೀರ ಅತಿಥಿಗಳಾಗಿ ಪಾಲ್ಗೊಳ್ಳಲಿದ್ದಾರೆ. ಸಂಘದ ಹಿರಿಯ ಸದಸ್ಯ ಕೆ.ಪಿ. ರಾವ್​ ಅಧ್ಯಕ್ಷತೆ ವಹಿಸಲಿದ್ದಾರೆ. ಇದೇ ಸಮಯದಲ್ಲಿ 75 ವರ್ಷ ಪೂರ್ಣಗೊಳಿಸಿದ ಸದಸ್ಯರನ್ನು ಸನ್ಮಾನಿಸಲಾಗುವುದು.
ಸಂಘದಜೆ.ಎಸ್​. ಜಗದೀಶ, ಶಾಶ್ವತ ಸಲಹೆಗಾರ ಕೆ.ಬಿ.ಬಳ್ಳೂರ, ಸದಸ್ಯ ವಿಲಾಸ ಮಹಾಲೆ, ಉದಯ ಮಹಾಲೆ, ಇತರರು ಉಪಸ್ಥಿತರಿರುವರು. ಕೆನರಾ ಬ್ಯಾಂಕ್​ ಎಲ್ಲ ನಿವೃತ್ತ ಅಧಿಕಾರಿಗಳು, ಸಹ ಸದಸ್ಯರು ಸಭೆಯಲ್ಲಿ ಪಾಲ್ಗೊಳ್ಳಬೇಕು ಎಂದು ಕಿಶೋರ ಮಾಡಲಗಿ ತಿಳಿಸಿದ್ದಾರೆ.