ಮಂತ್ರಿಯಾಗುವುದನ್ನು ತಡೆಯಲು ಯತ್ನ: ಇಲ್ಲಿನ ಶಾಸಕರಿಗೆ ತಾಲೂಕಿನ ಹತ್ತು ಊರಿನ ಹೆಸರು ಗೊತ್ತಿಲ್ಲ, ಮೂರು ನಾಯಕರನ್ನು ಬಿಟ್ಟರೆ ಯಾರೊಬ್ಬರೂ ಗೊತ್ತಿಲ್ಲ. ಕ್ಷೇತ್ರದ ಪರಿಚಯವೇ ಅವರಿಗೆ ಇಲ್ಲ. ಆದರೂ, ಜನ ಅವರನ್ನು ಗೆಲ್ಲಿಸಿದರು. ಗೆದ್ದ ನಂತರ ಸಿಕ್ಕ ಅಧಿಕಾರದಿಂದಲೂ ತಾಲೂಕಿಗೆ ಅವರ ಕೊಡುಗೆ ಶೂನ್ಯ. ನನ್ನ ನೀರಾವರಿ ಯೋಜನೆಯನ್ನು ತಮ್ಮದೆಂದು ಹೇಳಿಕೊಂಡು ಪ್ರಚಾರ ಪಡೆಯುತ್ತಿದ್ದಾರೆ. ಬಿಜೆಪಿಗೆ ಸಹಾಯ ಮಾಡಲಿ ಎಂದು ಕುಮಾರಸ್ವಾಮಿಯನ್ನು ಯಾರೂ ಕೇಳಿಕೊಳ್ಳುತ್ತಿಲ್ಲ. ಆದರೂ ಪಕ್ಷ ಉಳಿಸಿಕೊಳ್ಳಲು ಬಿಜೆಪಿಗೆ ಸಹಕಾರ ಮಾಡುತ್ತಿದ್ದಾರೆ. ಯೋಗೇಶ್ವರ್ ಮಂತ್ರಿಯಾದರೆ, ಇರುವ ಮೂವತ್ತು ಜನ ಶಾಸಕರಲ್ಲಿ ಇಪ್ಪತ್ತು ಜನ ಶಾಸಕರನ್ನು ಖಾಲಿ ಮಾಡಿಸುತ್ತಾನೆ ಎಂಬ ಭಯದಿಂದ ನಾನು ಮಂತ್ರಿಯಾಗುವುದನ್ನು ತಡೆಯಲು ಪ್ರಯತ್ನಿಸುತ್ತಿದ್ದಾರೆ ಎಂದು ಆರೋಪಿಸಿರುವುದು ಆಡಿಯೋದಲ್ಲಿದೆ.
