ಬಸ್​ ತಂಗುದಾಣವಿಲ್ಲದೇ ಪರದಾಟ

ಮಮದಾಪುರ: ಗೋಕಾಕ ತಾಲೂಕಿನ ಕೊಳವಿ ಗ್ರಾಮದಲ್ಲಿ ಬಸ್​ ತಂಗುದಾಣ ಇಲ್ಲದೆ ಕಳೆದ ಎರಡು ವರ್ಷಗಳಿಂದ ಪ್ರಯಾಣಿಕರು ಪರದಾಡುತ್ತಿದ್ದಾರೆ. ಗ್ರಾಮದ ಬಸ್​ ನಿಲ್ದಾಣದಿಂದ ಸಾರ್ವಜನಿಕರು ಗೋಕಾಕ&ನೇಸರಗಿ ಹಾಗೂ ಬೈಲಹೊಂಗಲ&ಅಂಕಲಗಿ ಮಾರ್ಗವಾಗಿ ಬೆಳಗಾವಿಗೆ ಪ್ರಯಾಣಿಸುತ್ತಿದ್ದಾರೆ.

ಸುತ್ತಮುತ್ತಲಿನ ಗ್ರಾಮಸ್ಥರಿಗೆ ಈ ಬಸ್​ ನಿಲ್ದಾಣ ಕೇಂದ್ರಬಿಂದುವಾಗಿದ್ದು ವೃದ್ಧರು, ಗರ್ಭಿಣಿಯರು, ಆಸ್ಪತ್ರೆಗೆ ತೆರಳಬೇಕಾದರೆ ರಸ್ತೆ ಬದಿಯಲ್ಲಿ ನಿಂತುಕೊಳ್ಳುವ ಪರಿಸ್ಥಿತಿ ಇದೆ. ಗೋಕಾಕ ನಗರಕ್ಕೆ ನೂರಕ್ಕೂ ಹೆಚ್ಚು ವಿದ್ಯಾರ್ಥಿನಿಯರು ಕಾಲೇಜಿಗೆ ತೆರಳುತ್ತಾರೆ. ಶಾಲಾವಧಿ ಮುಗಿದ ಮೇಲೆ ನಗರಕ್ಕೆ ತೆರಳಲು ತೊಂದರೆಯಾಗುತ್ತಿದ್ದು, ಶ್ರೀ ನೂತನ ಬಸ್​ ತಂಗುದಾಣ ನಿರ್ಮಾಣವಾಗಬೇಕೆಂದು

ಸ್ಥಳಿಯರು ಆಗ್ರಹಿಸಿದ್ದಾರೆ.

ಈಗಾಗಲೇ ಸ್ಥಳಿಯ ಶಾಸಕರು ಗ್ರಾಮದ ಬಸ್​ ತಂಗುದಾಣಕ್ಕೆ ಅನುಮೋದನೆ ನೀಡಿದ್ದು, ಗುತ್ತಿಗೆದಾರರು ವಿಳಂಬ ಮಾಡುತ್ತಿದ್ದಾರೆ. ಆದಷ್ಟು ಬೇಗ ಗುತ್ತಿಗೆದಾರನನ್ನು ಸಂಪರ್ಕಿಸಿ, ಬಸ್​ ತಂಗುದಾಣ ಕಲ್ಪಿಸಿಕೊಡಲಾಗುವುದು.

> ಕರೆಪ್ಪ ಬಡಿಗವಾಡ

ಗ್ರಾಮ ಪಂಚಾಯಿತಿ ಅಧ್ಯಕ್ಷ