ಮಸೂತಿಯಿಂದ ಬಾಗಲಕೋಟೆಗೆ ಬಸ್​ ಸಂಚಾರ ಆರಂಭ

ಗೊಳಸಂಗಿ: ಕೊಲ್ಹಾರ ತಾಲೂಕಿನ ಮಸೂತಿ ಗ್ರಾಮದಿಂದ ಬಾಗಲಕೋಟೆ ಪಟ್ಟಣಕ್ಕೆ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಬಸ್​ ಪುನರಾರಂಭಗೊಂಡ ಹಿನ್ನೆಲೆಯಲ್ಲಿ ಗ್ರಾಮಸ್ಥರು ಕಳೆದ ಬುಧವಾರ ಪೂಜೆ ಸಲ್ಲಿಸಿ ಸಂತಸ ವ್ಯಕ್ತಪಡಿಸಿದರು.

ಮಸೂತಿ ಗ್ರಾಮದಿಂದ ಬಾಗಲಕೋಟೆ ನಗರಕ್ಕೆ ಪ್ರತಿನಿತ್ಯ ಸಂಚರಿಸುತ್ತಿದ್ದ ಬಸ್​ ಕರೊನಾ ವೇಳೆ ಬಂದಾಗಿತ್ತು. ಪೂಜೆ ವೇಳೆ ಪ್ರಮುಖರಾದ ಎಸ್​.ಎಸ್​.ಗೌರಿಮಠ, ವಿಶ್ವನಾಥ ಹಿರೇಮಠ, ಪಿ.ವಿ.ಪಾಟೀಲ, ಪ್ರಕಾಶ ಕಾಗಲ್​, ಕಾಳು ಕುಂಬಾರ, ಈರಪ್ಪ ಅಗಸರ, ಗುರುಸಿದ್ದಪ್ಪ ರಾಂಪುರ, ಗುರು ಹಿರೇಮಠ, ಮುತ್ತು ಬಬಲೇಶ್ವರ, ಶ್ರೀಶೈಲ ಹಂಗರಗಿ, ಮೋಹನಗೌಡ ಪಾಟೀಲ, ಸಂತೋಷ ಬೀಳಗಿ, ಶಿವಪ್ಪ ಹಂಗರಗಿ ಇತರರಿದ್ದರು.

ಪ್ರತಿದಿನ ಬೆಳಗ್ಗೆ 6.15ಕ್ಕೆ ಮಸೂತಿ ಗ್ರಾಮದಿಂದ ಹೊರಡುವ ಬಸ್​ ಮಲಘಾಣ, ಚಿಕ್ಕ ಆಸಂಗಿ, ನಾಗರದಿನ್ನಿ, ಮಟ್ಟಿಹಾಳ ಕ್ರಾಸ್​, ಕೊಲ್ಹಾರ ಯುಕೆಪಿ, ಬಾಡಗಂಡಿ, ಬೀಳಗಿ, ಬೀಳಗಿ ಕ್ರಾಸ್​, ಅನಗವಾಡಿ, ಗದ್ದನಕೇರಿ ಕ್ರಾಸ್​, ವಿದ್ಯಾಗಿರಿ, ಇಂಜಿನಿಯರಿಂಗ್​ ಕಾಲೇಜು, ನವನಗರ ಮಾರ್ಗವಾಗಿ 8.15ಕ್ಕೆ ಬಾಗಲಕೋಟೆ ತಲುಪುತ್ತದೆ.

ಪುನ@ ಸಂಜೆ 6 ಗಂಟೆಗೆ ಬಾಗಲಕೋಟೆಯಿಂದ ಹೊರಟು ರಾತ್ರಿ 8 ಗಂಟೆಗೆ ಮಸೂತಿ ಗ್ರಾಮಕ್ಕೆ ಆಗಮಿಸಿ ವಾಸ್ತವ್ಯ ಮಾಡಲಿದೆ.