ಬಸ್​ ಸೀಟ್​ ಹಿಡಿಯಲು ಅಂತಾ ಇಟ್ಟಿದ್ದ ಚಿನ್ನಾಭರಣ ಬ್ಯಾಗ್​ ಕಳ್ಳತನ

ರಾಣೆಬೆನ್ನೂರ: ಬಸ್​ನಲ್ಲಿ ಮಹಿಳೆಯೊಬ್ಬರು ಸೀಟು ಹಿಡಿಯಲು ಎಂದು ಇಟ್ಟಿದ್ದ ಚಿನ್ನಾಭರಣವಿದ್ದ ಬ್ಯಾಗ್​ಅನನು ಯಾರೋ ದೋಚಿದ ಘಟನೆ ನಗರದ ಬಸ್​ ನಿಲ್ದಾಣದಲ್ಲಿ ಭಾನುವಾರ ನಡೆದಿದೆ.

ಬ್ಯಾಡಗಿ ತಾಲೂಕಿನ ಹೆಡಿಗೊಂಡ ಗ್ರಾಮದ ಶಿವಕ್ಕ ಸುಭಾಸ ದೊಡ್ಡಮನಿ ಎಂಬುವರ ಬ್ಯಾ ಗ್​ ಕಳ್ಳತನ ಆಗಿರುವುದು.

ಇವರು ರಾಣೆಬೆನ್ನೂರಿನಿಂದ ದೇವರಗುಡ್ಡಕ್ಕೆ ಹೋಗುವ ಸಲುವಾಗಿ ಬಸ್​ ಹತ್ತುವಾಗ ಸೀಟು ಹಿಡಿಯಲು ಎಂದು ಕಿಟಕಿಯಿಂದ ತಮ್ಮ ಬ್ಯಾಗ್​ಅನ್ನು ಇಟ್ಟಿದ್ದರು. ಇವರು ಬಸ್​ ಹತ್ತಿ ಬರುವುದರೊಳಗೆ ಯಾರೋ ಬ್ಯಾಗ್​ ಕಳ್ಳತನ ಮಾಡಿಕೊಂಡು ಹೋಗಿದ್ದಾರೆ ಎನ್ನಲಾಗಿದೆ. ಈ ಕುರಿತು ಶಹರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.