ಬಸ್ ಕೊರತೆ ನಿವಾರಿಸಲು ಶಾಸಕರಿಗೆ ಮನವಿ

ಉಪ್ಪಿನಂಗಡಿ: ಬೆಳಗ್ಗಿನ ಹೊತ್ತು ಉಪ್ಪಿನಂಗಡಿಯಿಂದ ಪುತ್ತೂರಿಗೆ ತೆರಳಲು ಬಸ್ಸಿನ ಕೊರತೆಯಿದ್ದು, ವಿದ್ಯಾರ್ಥಿಗಳು ಅಪಾಯಕಾರಿಯಾಗಿ ನೇತಾಡಿಕೊಂಡು ಪ್ರಯಾಣಿಸಬೇಕಾಗಿದೆ. ಆದ್ದರಿಂದ ಈ ಸಮಯದಲ್ಲಿ ಪುತ್ತೂರಿಗೆ ಹೆಚ್ಚುವರಿ ಬಸ್‌ನ ವ್ಯವಸ್ಥೆಯನ್ನು ವಾಡಬೇಕೆಂದು ಉಪ್ಪಿನಂಗಡಿ ಪರಿಸರದ ಪುತ್ತೂರು ಸಂತ ಫಿಲೋಮಿನಾ ಕಾಲೇಜು ವಿದ್ಯಾರ್ಥಿಗಳು ಶಾಸಕ ಅಶೋಕ್ ಕುವಾರ್ ರೈ ಅವರಿಗೆ ಮನವಿ ಮಾಡಿದ್ದಾರೆ.

ಬೆಳಗ್ಗೆ 8 ಗಂಟೆಗೆ ವಿದ್ಯಾರ್ಥಿಗಳು ಹಾಗೂ ಉದ್ಯೋಗಕ್ಕೆ ತೆರಳುವವರು ಏಕಕಾಲಕ್ಕೆ ಪುತ್ತೂರಿಗೆ ತೆರಳುವುದರಿಂದ ಈ ಸಮಯದಲ್ಲಿ ಬಸ್ಸಿನಲ್ಲಿ ಪ್ರತಿ ಬಾರಿಯೂ ನೂಕುನುಗ್ಗಲು ಉಂಟಾಗುತ್ತದೆ. ಹಲವು ವಿದ್ಯಾರ್ಥಿಗಳು ಬಸ್ಸಿನೊಳಗೆ ತುಂಬಿರುವ ಜನಸಂದಣಿಯಿಂದ ಬಸ್ ಹತ್ತಲಾಗದೆ ಸರಿಯಾದ ಸಮಯಕ್ಕೆ ಶಾಲೆ-ಕಾಲೇಜುಗಳಿಗೆ ತಲುಪಲು ಸಾಧ್ಯವಾಗುತ್ತಿಲ್ಲ. ಕಾಲೇಜು ತಲುಪುವ ಅನಿವಾರ್ಯತೆಯಿಂದಾಗಿ ವಿದ್ಯಾರ್ಥಿಗಳು ನೇತಾಡಿಕೊಂಡು ಪ್ರಯಾಣಿಸುವ ದುಃಸ್ಥಿತಿ ನಿರ್ವಾಣವಾಗಿದೆ. ಆದ್ದರಿಂದ ಈ ಸಮಯದಲ್ಲಿ ಉಪ್ಪಿನಂಗಡಿಯಿಂದ ಪುತ್ತೂರಿಗೆ ತೆರಳಲು ಹೆಚ್ಚುವರಿ ಕೆಎಸ್ಸಾರ್ಟಿಸಿ ಬಸ್‌ನ ಸೌಲಭ್ಯ ಕಲ್ಪಿಸಬೇಕೆಂದು ವಿದ್ಯಾರ್ಥಿಗಳು ಮನವಿಯಲ್ಲಿ ಆಗ್ರಹಿಸಿದ್ದಾರೆ.

ಮನವಿ ನೀಡಿದ ನಿಯೋಗದಲ್ಲಿ ವಿದ್ಯಾರ್ಥಿಗಳಾದ ಫಾರಿಶ್ ಬಸ್ತಿಕ್ಕಾರ್, ಮುನೀಶ್, ಫಿದಾ, ಅಕ್ಷಯ, ರಾಹುಲ್, ಜಾನ್, ಧನುಶ್ರೀ, ಸಮೀರ್, ವಿಸ್ಡನ್, ರಾವ್ ಮೊದಲಾದವರಿದ್ದರು.

https://www.vijayavani.net/sargotsava-at-bara-school

https://www.vijayavani.net/karthika-puja-invitation-issued-in-pulkur-constituency