ಮಂಡ್ಯ: ನಗರದ ಹೊರವಲಯದ ಖಾಸಗಿ ಆಸ್ಪತ್ರೆ ಎದುರು ಸೋಮವಾರ ಬೆಳಗ್ಗೆ ಅತಿ ವೇಗದಿಂದ ಬರುತ್ತಿದ್ದ ಕೆಎಸ್ಆರ್ಟಿಸಿ ಬಸ್ ಚಾಲಕನ ನಿಯಂತ್ರಣ ತಪ್ಪಿ ಕಂಟೈನರ್ಗೆ ಡಿಕ್ಕಿ ಹೊಡೆದು ಬೆಂಗಳೂರು-ಮೈಸೂರು ಹೆದ್ದಾರಿಯಲ್ಲಿ ಪಲ್ಟಿ ಹೊಡೆದಿದೆ. ಪರಿಣಾಮ 25ಕ್ಕೂ ಹೆಚ್ಚು ಜನರಿಗೆ ಗಾಯಗಳಾಗಿದ್ದು, ಅದೃಷ್ಟವಶಾತ್ ಯಾವುದೇ ಪ್ರಾಣಪಾಯವಾಗಿಲ್ಲ. ಜತೆಗೆ ಬಸ್ನಲ್ಲಿ ಪ್ರಯಾಣ ಮಾಡುತ್ತಿದ್ದ 70 ಜನರ ಪಾಲಿಗೆ ಕಂಟೈನರ್ ಆಪದ್ಭಾಂಧವ ಆಗಿದೆ.
ಚಾಲಕ ಶಶಿಕುಮಾರ್, ಪ್ರಯಾಣಿಕರಾದ ಪುತ್ತೂರಿನ ನಿವಾಸಿ ಮಾದಪ್ಪ, ಮೈಸೂರಿನ ಚಿಕ್ಕಮಾದು, ಮಮತಾ, ರಮ್ಮನಹಳ್ಳಿ ಲೀಲಾವತಿ, ಹುಲಿಯೂರು ದುರ್ಗದ ಅರ್ಪಿತಾ, ಮದ್ದೂರಿನ ಮೋಹಿತ, ಬೆಂಗಳೂರಿನ ವರಲಕ್ಷ್ಮೀ, ನಂಜನಗೂಡಿನ ಮಹದೇವಮ್ಮ, ನಿಡಸಾಲೆ ನಾಗೇಶ್, ಪಾವಗಡದ ಶಶಿಕುಮಾರ್, ಆತಗೂರಿನ ಮಂಗಳಮ್ಮ, ಚಿಂದಗಿರಿದೊಡ್ಡಿಯ ರಾಮಚಂದ್ರ, ಹುಲಿಯೂರು ದುರ್ಗದ ಗಿರೀಗೌಡ, ಮಲ್ಲಿಕಾರ್ಜುನ, ಗೋಪಾಲ ಹಾಗೂ ವಿದ್ಯಾರ್ಥಿಗಳಾದ ವಿನಯ್, ಸಚ್ಚಿನ್, ಬೀರೇಶ್, ಯೋಗೇಶ್, ಮೋನಿಕಾ, ಶಿವರಾಜ್, ಕೃಷ್ಣ, ಸೌಮ್ಯಾ, ಶಿಲ್ಪಾ, ಅನಿತಾ, ಕಿರಣ್ಕುಮಾರ್, ದಯಾನಂದ, ಹೇಮಾದ್ರಿ, ರೇಷ್ಮಾ ಗಾಯಗೊಂಡು ಚಿಕಿತ್ಸೆ ಪಡೆದಿದ್ದಾರೆ.
