ರೋಟರಿ ಬೆಳ್ಮಣ್ನ ಈ ಹಿಂದಿನ ಅಧ್ಯಕ್ಷ ರಣೀಶ್ ಆರ್.ಶೆಟ್ಟಿ ನೇತೃತ್ವದ ಸಮಿತಿ ಪೇಟೆಯಲ್ಲಿ ಪಾರ್ಕಿಂಗ್ ವ್ಯವಸ್ಥೆ ಕಲ್ಪಿಸಿ ಎಲ್ಲರ ಪ್ರಶಂಸೆಗೆ ಪಾತ್ರವಾಗಿತ್ತು. ಪ್ರಸ್ತುತ ವರ್ಷದ ಅಧ್ಯಕ್ಷ ಸಜೇಶ್ ನಾಯಕತ್ವದಲ್ಲಿ ವಿವಿಧ ದಾನಿಗಳು ಸಹಕಾರದಲ್ಲಿ ಮಾದರಿ ರುದ್ರಭೂಮಿ ನಿರ್ಮಾಣಗೊಂಡಿದೆ. ಶ್ರೀ ಕ್ಷೇತ್ರ ಧರ್ಮಸ್ಥಳ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ, ಶಾಸಕ ವಿ.ಸುನೀಲ್ ಕುಮಾರ್, ಸಂಸದರ ನಿಧಿಯಿಂದ ಜಿಪಂ ಹಾಗೂ ತಾಪಂ, ಸ್ಥಳೀಯ ಗ್ರಾಪಂ ಹಾಗೂ ಸ್ಥಳೀಯ ಸಂಘ ಸಂಸ್ಥೆಗಳು ಅನುದಾನ ನೀಡಿವೆ. ರೋಟರಿ ಸಂಸ್ಥೆಯ ಸೂರ್ಯಕಾಂತ್ ಶೆಟ್ಟಿ, ಹಿಂದು ರುದ್ರಭೂಮಿ ಸಮಿತಿ ಅಧ್ಯಕ್ಷ ದೇವೇಂದ್ರ ಶೆಟ್ಟಿ, ಕಾರ್ಯದರ್ಶಿ ಆಲ್ವಿನ್ ನೇರಿ ಪಿಂಟೊ ನಿರ್ಮಾಣದ ರೂವಾರಿಗಳು.
