ಕಾರವಾರ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಬಳಿ ಮನವಿ ಮಾಡಿ ಬೆಂಗಳೂರಿನಲ್ಲಿ ಚಮ್ಮಾರ ಹರಳಯ್ಯ ಸಂಘದ ಕಟ್ಟಡ ನಿರ್ಮಾಣಕ್ಕೆ ಸಹಾಯ ಮಾಡಲು ಯತ್ನಿಸುವುದಾಗಿ ಶಾಸಕ ಸತೀಶ ಸೈಲ್ ಭರವಸೆ ನೀಡಿದರು.
ಕರ್ನಾಟಕ ಚಮ್ಮಾರ ಹರಳಯ್ಯ ಸಂಘದ ರಾಜ್ಯ ಶಾಖೆಯ ಸದಸ್ಯತ್ವ ಅಭಿಯಾನಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು. ಸಮಾಜದ ಅಭಿವೃದ್ಧಿಗೆ ಸಂಘಟನೆಗಳು ಬೆಳೆಯಬೇಕು ಎಂದರು.
ಸಂಘಟನೆಯ ಅಧ್ಯಕ್ಷ ಜಗದೀಶ ಬೆಟಗಾರಿ ಮಾತನಾಡಿ, ಸಂಘಟನೆಯು ಸಮಾಜದ ಜನರ ಅಭಿವೃದ್ಧಿಗೆ ಹಲವು ಕಾರ್ಯ ಮಾಡುತ್ತಿದೆ. ಬೆಂಗಳೂರಿನಲ್ಲಿ ಜಾಗ ಖರೀದಿಸಲಾಗಿದೆ. ಅಲ್ಲಿ ಸಮುದಾಯ ಭವನ, ಕಟ್ಟಡ ನಿರ್ಮಾಣಕ್ಕೆ ಸರ್ಕಾರ ಸಹಕಾರ ನೀಡಬೇಕು ಎಂದು ಮನವಿ ಮಾಡಿದರು.
ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸಮಾಜದ ಹಿರಿಯರಾದ ಕಾರವಾರದ ರಾಮದಾಸ ಹಳನಕರ್, ಅಂಕೋಲಾದ ಕಮಲಾಕರ ಬೋರ್ಕರ್, ಕುಮಟಾದ ಶೇಷಪ್ಪ ಪಾಲೇಕರ್, ಹೊನ್ನಾವರದ ರತ್ನಾಕರ ಪಾವಸ್ಕರ್, ಭಟ್ಕಳದ ಮೋಹನ ಶಿರಾಲಿಕರ್ ಅವರಿಗೆ ಸಂತ ಹರಳಯ್ಯ ಪ್ರಶಸ್ತಿ ನೀಡಿ ಸನ್ಮಾನಿಸಲಾಯಿತು.
ಅಲ್ಲದೆ, ವಿಧ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ಮಕ್ಕಳಾದ ವಿನೀತ ನಾಮದೇವ ಕುಡಾಳಕರ್, ಅದ್ವೈತ ಕಿರಣ ಪಾವಸ್ಕರ್, ತೇಜಲ್ ಗಿರೀಶ ಬೋರ್ಕರ್, ರೋಹನ್ ದಿಲೀಪ ಕುಡಾಳಕರ್, ಓಂಕಾರ ಗಣೇಶ ಕುಡಾಳಕರ್ ಅವರನ್ನು ಸನ್ಮಾನಿಸಲಾಯಿತು.
