ಕಣಗಾಲು ಡೈರಿ ಮಾದರಿ ಸಂಘವಾಗಿದೆ

 ಬೆಟ್ಟದಪುರ: ಸದಸ್ಯರ ನಿರಂತರ ಸಹಕಾರ ಹಾಗೂ ಗುಣಮಟ್ಟದ ಹಾಲು ಪೂರೈಕೆಯಲ್ಲಿ ಕಣಗಾಲು ಡೈರಿ ಸಂಘವು ಮಾದರಿಯಾಗಿ ವಹಿವಾಟು ನಡಸಿಕೊಂಡು ಹೋಗುತ್ತಿದೆ ಎಂದು ಮೈಮುಲ್ ವಿಸ್ತರಣಾಧಿಕಾರಿ ಅವಿನಾಶ್ ಹೇಳಿದರು.

ಪಿರಿಯಾಪಟ್ಟಣ ತಾಲೂಕಿನ ಬೆಟ್ಟದಪುರ ಸಮೀಪದ ಕಣಗಾಲು ಗ್ರಾಮದ ಹಾಲು ಉತ್ಪಾದಕರ ಮಹಿಳಾ ಸಹಕಾರ ಸಂಘದಲ್ಲಿ ಶುಕ್ರವಾರ ಆಯೋಜಿಸಿದ ವಾರ್ಷಿಕ ಮಹಾಸಭೆಯಲ್ಲಿ ಮಾತನಾಡಿದ ಅವರು, ಈ ಸಂಘವು 2024-25ನೇ ಸಾಲಿನಲ್ಲಿ ರೂ.3,22,842 ನಿವ್ವಳ ಲಾಭಗಳಿಸಿದೆ. ಇದೆ ರೀತಿ ಸಂಘವು ಹೆಚ್ಚಿನ ಆದಾಯಗಳಿಸುವ ಮೂಲಕ ಉತ್ತಮವಾಗಿ ಅಭಿವೃದ್ಧಿ ಹೊಂದುಕೊಂಡು ಹೋಗಲಿ. ಉತ್ಪಾದಕರು ತಮ್ಮ ಹಸುಗಳ ಆರೋಗ್ಯದ ಜತೆ ಗುಣಮಟ್ಟದ ಹಾಲನ್ನು ಸರಬರಾಜು ಮಾಡಿ ಹೆಚ್ಚಿನ ಆದಾಯಗಳಿಸಬೇಕು ಎಂದು ಸಲಹೆ ನೀಡಿದರು.

ಮೈಮುಲ್ ಉಪವ್ಯವಸ್ಥಾಪಕ ಡಾ.ಎಂ.ಸಿ ಸತೀಶ್ ಮಾತನಾಡಿ ಮೈಮುಲ್ ಒಕ್ಕೂಟದಿಂದ ಸಿಗುವಂತಹ ಸೌಲಭ್ಯಗಳನ್ನು ಪ್ರತಿಯೊಬ್ಬರು ಸದುಪಯೋಗ ಮಾಡಿಕೊಳ್ಳಿ. ಉತ್ಪಾದಕರ ಮಕ್ಕಳಿಗೆ ಹಾಸ್ಟೆಲ್ ವ್ಯವಸ್ಥೆ, ಆರೋಗ್ಯ ವಿಮೆಗಳು ಸೇರಿದಂತೆ ಎಲ್ಲವುಗಳನ್ನು ಎಲ್ಲರೂ ಬಳಕೆ ಮಾಡಿಕೊಳ್ಳಿ. ಅಲ್ಲದೇ ಉತ್ಪಾದಕರು ನಂದಿನಿ ಪಶು ಆಹಾರ ಹಾಗೂ ಖನಿಜ ಮಿಶ್ರನವನ್ನು ಕಡ್ಡಾಯವಾಗಿ ಬಳಸಬೇಕು. ಯಾವುದೇ ಸಮಸ್ಯೆ ಕಂಡು ಬಂದಲ್ಲಿ ನಮ್ಮ ಗಮನಕ್ಕೆ ತರಬೇಕು ಎಂದರು.