40 ಮನೆಗಳಿಗೆ ಸಂಪರ್ಕ: ಮಿತ್ತಬಾಗಿಲು- ಮಲವಂತಿಗೆ ಗ್ರಾಮದ ಮಧ್ಯಭಾಗದಲ್ಲಿ ಏಳುವರೆ ಹಳ್ಳ ಹರಿಯುತ್ತಿದೆ. 167 ಸರ್ವೇ ನಂಬರ್ನಲ್ಲಿರುವ ಕಲ್ಲಂಡ ಎಂಬಲ್ಲಿ ಸೇತುವೆ ನಿರ್ಮಾಣದ ಬೇಡಿಕೆ ಇಡಲಾಗಿದೆ. ಬೇಸಿಗೆಯಲ್ಲಿ ಅಗತ್ಯ ವಸ್ತು ಸಾಗಾಟಕ್ಕೆ ವಾಹನಗಳು ಇದೇ ಹೊಳೆಯಾಗಿ ಸಾಗಬೇಕು. ಆದರೆ ಮಳೆಗಾಲದಲ್ಲಿ ವಿಪರೀತ ಮಳೆಯಾದರೆ ದೇವರೇ ಗತಿ. ಆಸ್ಪತ್ರೆ ಭೇಟಿ, ಕೃಷಿ ಚಟುವಟಿಕೆ ಸೇರಿದಂತೆ ಹೈನುಗಾರರಿಗೆ ಸಾಗಲು, ವಿದ್ಯಾರ್ಥಿಗಳು ಶಾಲೆಗೆ ತೆರಳಲು ನೆರೆ ನೀರು ಇಳಿದ ಬಳಿಕ ಸಂಚಾರ ಆರಂಭಿಸಬೇಕು. ಶೀಘ್ರ ಸೇತುವೆ ನಿರ್ಮಾಣವಾದಲ್ಲಿ ಮಿತ್ತಬಾಗಿಲು, ಮಲವಂತಿಗೆ ಗ್ರಾಮ ವ್ಯಾಪ್ತಿಗೆ ಬರುವಂತೆ ಕಡ್ತಿಕುಮೇರು, ಬದನಾಜೆ, ಎಲ್ಯರಕಂಡ, ಮಕ್ಕಿ ಪರ್ಲ, ಕೇದೆ, ಕೋಡಿ, ಅಮೈ, ಮೂಡಲ, ಮಲೆಜೋಡಿ, ಬಾನೊಟ್ಟು, ಕಕ್ಕೆನೇಜಿ ಸುತ್ತಮುತ್ತ ಮಂದಿಯ ಬಹುವರ್ಷಗಳ ಬೇಡಿಕೆ ಫಲಿಸಿದಂತಾಗಲಿದೆ.
