ಕಕ್ಕಿಂಜೆ ಮತ್ತು ಚಾರ್ಮಾಡಿ ಪೇಟೆ ಮಧ್ಯೆ ಇರುವ ಬೀಟಿಗೆ ಸಮೀಪ ರಾಷ್ಟ್ರೀಯ ಹೆದ್ದಾರಿಯಿಂದ 300 ಮೀ. ಒಳಗಡೆ ಕೊಳಂಬೆ ಪ್ರದೇಶವಿದೆ. ಕೊಳಂಬೆಯಲ್ಲಿ ಮೃತ್ಯುಂಜಯ ನದಿ ಹರಿಯುತ್ತಿದ್ದು, ಇಲ್ಲಿಂದ ನದಿಯ ಇನ್ನೊಂದು ಭಾಗದಲ್ಲಿ ಮಾರಂಗಾಯಿ, ಕತ್ತರಿಗುಡ್ಡೆ, ಮುಗುಳಿತಡ್ಕ ಮೊದಲಾದ ಪ್ರದೇಶಗಳಿವೆ. ಈ ಪ್ರದೇಶಗಳಿಗೆ ಬೇಸಿಗೆಯಲ್ಲಿ ನದಿಗೆ ತಾತ್ಕಾಲಿಕವಾಗಿ ಪೈಪ್ಗಳನ್ನು ಹಾಕಿ ಚರಲ್ ಸುರಿದು ನದಿ ಮೂಲಕ ಜನ ವಾಹನ ಓಡಾಟ ನಡೆಯುತ್ತದೆ. ಆದರೆ ಮಳೆಗಾಲ ಆರಂಭವಾಗಿ ನದಿಯಲ್ಲಿ ನೀರು ಹೆಚ್ಚಾದಾಗ ಈ ತಾತ್ಕಾಲಿಕ ಸಂಪರ್ಕ ಕೊನೆಗೊಳ್ಳುತ್ತದೆ. ಬಳಿಕ ಮಳೆಗಾಲದಲ್ಲಿ ಈ ಪ್ರದೇಶದ 50ಕ್ಕಿಂತ ಅಧಿಕ ವಿದ್ಯಾರ್ಥಿಗಳು, ಹೈನುಗಾರರು, ಉದ್ಯೋಗದಲ್ಲಿರುವ ಜನರು, ಫರ್ಲಾಣಿ ಮೂಲಕ ಸುಮಾರು 5 ಕಿ.ಮೀ. ಸುತ್ತು ಬಳಸಿ ರಸ್ತೆ ಮೂಲಕ ಸಂಚರಿಸಬೇಕು. ಇದು ಜೂನ್ನಿಂದ ನವೆಂಬರ್ ತನಕ ಅನಿವಾರ್ಯವಾಗುತ್ತದೆ. ನವೆಂಬರ್ ಬಳಿಕ ಇಲ್ಲಿ ಊರವರೇ ಒಟ್ಟಾಗಿ ತಾತ್ಕಾಲಿಕ ಸೇತುವೆ ನಿರ್ಮಿಸುತ್ತಾರೆ.
