ಸ್ತನ ಕ್ಯಾನ್ಸರ್​ ಜಾಗೃತಿ ಅಗತ್ಯ

ವಿಜಯಪುರ: ಪ್ರಸ್ತುತ ದಿನಗಳಲ್ಲಿ ಗ್ರಾಮೀಣ ಮಹಿಳೆಯರನ್ನು ಒಳಗೊಂಡಂತೆ ಸ್ತನ ಕ್ಯಾನ್ಸರ್​ ಭಾರತದಲ್ಲಿ ಹೆಚ್ಚಾಗಿ ಕಂಡುಬರುತ್ತಿದ್ದು, ಸ್ತನ ಕ್ಯಾನ್ಸರ್​ನ್ನು ಪ್ರಾಥಮಿಕ ಹಂತದಲ್ಲಿಯೇ ಗುರುತಿಸಿ ಚಿಕಿತ್ಸೆ ಪಡೆದರೆ ನೂರಕ್ಕೆ ನೂರರಷ್ಟು ಗುಣಪಡಿಸುವ ಸಾಧ್ಯತೆಗಳಿವೆ ಎಂದು ಮಹಾರಾಷ್ಟ್ರದ ಸಾಂಗಲಿಯ ಪ್ರಗತಿ ಆಸ್ಪತ್ರೆಯ ಕ್ಯಾನ್ಸರ್​ ಶಸಚಿಕಿತ್ಸಕ ಡಾ. ವಿವೇಕ್​ಎಂ. ಕುಲಕರ್ಣಿ ಹೇಳಿದರು.

ನಗರ ಹೊರ ವಲಯದ ರಾಜ್ಯ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿ ೇಮಪಾಲನ ನಿರ್ದೇಶನಾಲಯ, ಎನ್​ಎಸ್​ಎಸ್​ ಕೋಶ, ಮಹಿಳಾ ಅಧ್ಯಯನ ಕೇಂದ್ರ ಹಾಗೂ ಸ್ಥಳಿಯ ವಿಜಯ ಡಯಾಗ್ನೋಸ್ಟಿಕ್​ ಇಮೇಜಿಂಗ್​ ಅವರ ಸಹಯೋಗದಲ್ಲಿ ಗುರುವಾರ ನಡೆದ ಸ್ತನ ಕ್ಯಾನ್ಸರ್​ ಜಾಗೃತಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಸ್ತನ ಕ್ಯಾನ್ಸರ್​ ನಾಲ್ಕು ಹಂತಗಳಲ್ಲಿ ಕಂಡು ಬರುತ್ತದೆ. ನಾಲ್ಕನೇ ಹಂತದಲ್ಲಿ ಸ್ತನ ಕ್ಯಾನ್ಸರ್​ನ್ನು ಗುಣಪಡಿಸಲು ಸಾಧ್ಯವಿಲ್ಲ. ಬದಲಿಗೆ ವಿವಿಧ ಚಿಕಿತ್ಸೆಯ ಮೂಲಕ ರೋಗಿಯ ಜೀವಿತಾವಧಿಯನ್ನು ಸ್ವಲ್ಪ ಮಟ್ಟದಲ್ಲಿ ಹೆಚ್ಚಿಸಬಹುದಾಗಿದೆ. ಹಾಗಾಗಿ 25 ವರ್ಷ ಮೇಲ್ಪಟ್ಟ ಮಹಿಳೆಯರು ಕನಿಷ್ಠ ವರ್ಷಕ್ಕೆ ಒಂದು ಬಾರಿಯಾದರೂ ಸ್ತನ ಕ್ಯಾನ್ಸರ್​ ಕುರಿತು ಪರೀೆ ಮಾಡಿಸುವುದು ಉತ್ತಮ ಎಂದು ಅವರು ತಿಳಿಸಿದರು.

ಕನ್ಸಲ್ಟಿಂಗ್​ ರೆಡಿಯೋಲಜಿಸ್ಟ್​ ಡಾ. ಸ್ವಾತಿ ದೇಸಾಯಿ ಮಾತನಾಡಿ, ಮಹಿಳೆಯರು ಸ್ತನ ಕ್ಯಾನ್ಸರ್​ಅನ್ನು ಸ್ವಯಂ ಪರೀೆ ಮಾಡಿಕೊಳ್ಳುವುದರ ಮೂಲಕವು ಅದನ್ನು ಗುರುತಿಸಬಹುದು. ಸ್ತನಗಳ ಗಾತ್ರದಲ್ಲಿ ಬದಲಾವಣೆ, ಪೇನ್​ ಲೆಸ್​ ಲಂಪ್​, ಸ್ತನಗಳು ಕೆಂಪಾಗುವುದು, ಚರ್ಮ ದಪ್ಪಗಾಗುವುದು ಸೇರಿ ಈ ರೀತಿಯ ಲಕ್ಷಣಗಳು ಕಂಡುಬಂದರೆ ತಕ್ಷಣವೇ ವೈದ್ಯರ ಕಾಣುವಂತೆ ಸಲಹೆ ನೀಡಿದರು.

ವಿದ್ಯಾರ್ಥಿ ೇಮಪಾಲನ ನಿರ್ದೇಶನಾಲಯದ ಸಹಾಯಕ ನಿರ್ದೇಶಕಿ ಡಾ. ಅಶ್ವಿನಿ.ಕೆ.ಎನ್​., ಎನ್​ಎಸ್​ಎಸ್​ ಟಕದ ಸಂಯೋಜಕಿ ಡಾ. ತಹಮೀನಾ ಕೋಲಾರ, ವಿವಿಧ ವಿಭಾಗದ ಪ್ರಾಧ್ಯಾಪಕರು, ವಿದ್ಯಾರ್ಥಿನಿಯರು, ಸಂಶೋಧನಾ ವಿದ್ಯಾರ್ಥಿನಿಯರು ಮತ್ತಿತ್ತರರಿದ್ದರು.