ಪಶ್ಚಿಮ ವಲಯದ ವಿವಿಧ ವಾಡ್ಗಳಲ್ಲಿ ಸಾರ್ವಜನಿಕರು ನೀಡುವ ದೂರುಗಳು ಹಾಗೂ ಕುಂದು-ಕೊರತೆ ವಿವರಗಳನ್ನು ‘ಸಹಾಯ 2.0 ತಂತ್ರಾಂಶ’ದಲ್ಲಿ ಅಪ್ಲೋಡ್ ಮಾಡುವಂತೆ ಹಿಂದೆಯೆ ಎಲ್ಲ ಸಿಬ್ಬಂದಿಗೂ ನಿರ್ದೇಶನ ನೀಡಲಾಗಿತ್ತು. ಆದರೆ, ಈ ಮೂವರು ಸಿಬ್ಬಂದಿ ಆದೇಶ ಪಾಲಿಸದೆ ದೂರುಗಳ ವಿಲೇವಾರಿಗೆ ನಿರ್ಲಕ್ಷ್ಯ ಮಾಡಿದ್ದರು. ಮುಖ್ಯ ಆಯುಕ್ತ ಎಂ.ಮಹೇಶ್ವರ್ ರಾವ್ ಅವರು ಶುಕ್ರವಾರ ಮಹಾಲಕ್ಷ್ಮೀಪುರ ವಿಭಾಗಕ್ಕೆ ಭೇಟಿ ನೀಡಿದ್ದ ವೇಳೆ, ಆ ಭಾಗದಲ್ಲಿ ರಸ್ತೆಗುಂಡಿ ಮುಚ್ಚುವುದು ಸೇರಿ ದೂರು ನೀಡಿದ್ದರೂ ಯಾವುದೇ ಸ್ಪಂದನೆ ವ್ಯಕ್ತವಾಗಿಲ್ಲ ಎಂದು ನಾಗರಿಕರು ಆಕ್ಷೇಪಿಸಿದರು. ಇದನ್ನು ಪರಿಗಣಿಸಿ ದೂರುಗಳನ್ನು ನಿಯಮಾನುಸಾರ ತಂತ್ರಾಂಶಕ್ಕೆ ಅಪ್ಲೋಡ್ ಮಾಡಿ ಸಂಬಂಧಿಸಿದ ವಿಭಾಗಕ್ಕೆ ರವಾನಿಸದ ಹಿನ್ನೆಲೆಯಲ್ಲಿ ಸಂತೋಷ್, ಬಿ.ಎಸ್.ಚಂದನಾ ಹಾಗೂ ಬಾಬು ಎಂಬುವವನ್ನು ಕರ್ತವ್ಯಲೋಪಕ್ಕಾಗಿ ಶಿಸ್ತುಕ್ರಮ ಕೈಗೊಳ್ಳಲು ಸೂಚನೆ ನೀಡಲಾಯಿತು.
