ಮನೆಯಲ್ಲೇ ಕುಳಿತು ವಿಶ್ವಾಸ್​ ಪೇ ಆ್ಯಪ್​ನಲ್ಲಿ ದಿನಸಿ ಪದಾರ್ಥ ಬುಕಿಂಗ್​ ಮಾಡಿ

ಬೆಂಗಳೂರು: ಗ್ರಾಹಕರಿಗೆ ಡಿಜಿಟಲ್​ ಸೇವೆ ಒದಗಿಸುವ ನಿಟ್ಟಿನಲ್ಲಿ "ವಿಶ್ವಾಸ್​ ವರ್ಲ್ಡ್​ ಟೆಕ್​' . ಪ್ರೈ ಲಿ. ನೂತನವಾಗಿ ಅಭಿವೃದ್ಧಿಪಡಿಸಿರುವ "ವಿಶ್ವಾಸ್​ ಪೇ' ಆ್ಯಪ್​ ಶನಿವಾರ ಅನಾವರಣಗೊಂಡಿದೆ.

ನಗರದ ಖಾಸಗಿ ಹೋಟೆಲ್​ನಲ್ಲಿ ಆಯೋಜಿದ್ದ ಕಾರ್ಯಕ್ರಮದಲ್ಲಿ ನಟ ಪ್ರೇಮ್​, ಅವಧೂತ ಶ್ರೀ ವಿನಯ್​ ಗುರೂಜಿ "ವಿಶ್ವಾಸ್​ ಪೇ' ಆ್ಯಪ್​ ಹಾಗೂ "ವಿಶ್ವಾಸ್​ ವರ್ಲ್ಡ್​ ಮಾರ್ಟ್​ ವೆಬ್​ಸೈಟ್​ಗೆ ಚಾಲನೆ ನೀಡಿದರು. ನಟಿ ರಂಜನಿ ರಾಘವನ್​, ಮಾಜಿ ಶಾಸಕ ಅಶ್ವತ್ಥ್​,ರೋಟರಿ ಕ್ಲಬ್​ನ ಮಾಜಿ ರಾಜ್ಯಪಾಲ ನಾಗೇಂದ್ರ ಪ್ರಸಾದ್​, ಶಿಕ್ಷಣ ತಜ್ಱ ಡಾ. ಸೆಲ್ವರಾಜ್​ ನಾರಾಯಣ್​ ಮತ್ತಿರರರು ಭಾಗಿಯಾಗಿದ್ದರು.

ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ ಆ್ಯಪ್​ ಡೌನ್​ಲೋಡ್​ ಮಾಡಿಕೊಂಡು ಮನೆಗೆ ಬೇಕಾದ ಗೃಹೋಪಯೋಗಿ ವಸ್ತುಗಳು, ದಿನಸಿ ಪದಾರ್ಥಗಳನ್ನು ಬುಕಿಂಗ್​ ಮಾಡಬಹುದು. ಮನೆ ಬಾಗಿಲಿಗೆ ಕಂಪನಿ ಉಚಿತವಾಗಿ ಸರಬರಾಜು ಮಾಡಲಿದೆ. ಮೊಬೈಲ್​, ಟಿವಿ ರೀಚಾರ್ಜ್​, ವಿದ್ಯುತ್​, ಗ್ಯಾಸ್​, ತೆರಿಗೆ ಸೇರಿ ಇತರೆ ಬಿಲ್​ಗಳಿಗೂ ಹಣ ಪಾವತಿಸಬಹುದು. ಪ್ರವಾಸ ಬುಕಿಂಗ್​ ಮಾಡಿಕೊಳ್ಳುವ ಅವಕಾಶವೂ ಇದೆ. ಉದ್ಘಾಟನಾ ನಿಮಿತ್ತ ರೀಚಾರ್ಜ್​ ಮಾಡಿದರೆ ಆಕರ್ಷಕ ಕೊಡುಗೆ ದೊರೆಯಲಿವೆ. ಒಂದೇ ಸೂರಿನಡಿ ಎಲ್ಲ ಸೇವೆಗಳು ಗ್ರಾಹಕರಿಗೆ ಲಭ್ಯವಿದೆ.

ರಾಜಧಾನಿ ರಸ್ತೆಗುಂಡಿ ದುರಸ್ತಿಗೆ ಮೊಬೈಲ್​ ಅಪ್ಲಿಕೇಷನ್​ ಬಿಡುಗಡೆ

ವೆಬ್​ಸೈಟ್​ನಲ್ಲಿ ಭೇಟಿ ನೀಡಿದರೆ ಯಾವುದೇ ಲಾಗಿನ್​ ಇಲ್ಲದೆ ಗೃಹೋಪಯೋಗಿ, ಟಿವಿ, ವಾಷಿಂಗ್​ ಮಷಿನ್​, ಮೊಬೈಲ್​, ಸೌಂದರ್ಯ ಉತ್ಪನ್ನ, ಎಲೆಕ್ಟ್ರಾನಿಕ್ಸ್​ ವಸ್ತುಗಳು, ಬಟ್ಟೆ, ದಿನಸಿ ಸೇರಿ ದಿನ ಬಳಕೆ ವಸ್ತುಗಳನ್ನು ವೀಕ್ಷಿಸಿ ಬುಕಿಂಗ್​ ಮಾಡಬಹುದು. ಯಾವ್ಯಾವ ವಸ್ತುಗಳಿಗೆ ಆಫರ್​​​​ ಇದೆ ಎಂಬ ಬಗ್ಗೆ ಮಾಹಿತಿಯೂ ಸಿಗುತ್ತದೆ. ಬುಕಿಂಗ್​ ಮಾಡಿರುವ ಉತ್ಪನ್ನದ ಟ್ರ್ಯಾಕಿಂಗ್​ ಮಾಡಬಹುದು. ಎಕ್ಸ್​ಚೇಂಜ್​ ಅವಕಾಶವೂ ಇದೆ.

ಗ್ರಾಮೀಣ ಪ್ರದೇಶದಿಂದ ಬಂದಿರುವ ನಾನು ಏನಾದರೂ ಹೊಸದನ್ನೂ ಸಾಧಿಸಬೇಕೆಂಬ ಆಶಯದೊಂದಿಗೆ "ವಿಶ್ವಾಸ್​ ಪೇ', ವಿಶ್ವಾಸ್​ ವರ್ಲ್ಡ್​ ಮಾರ್ಟ್​' ಎಂಬ ವಿನೂತನ ಗ್ರಾಹಕಸ್ನೇಹಿ ಡಿಜಿಟಲ್​ ವೇದಿಕೆ ಆರಂಭಿಸಿದ್ದೇವೆ. ಡಿಜಿಟಲ್​ ಯುಗದಲ್ಲಿ ಗ್ರಾಹಕರಿಗೆ ಗುಣಮಟ್ಟದ ಸೇವೆ ನೀಡಲು ನಮ್ಮ ಸಂಸ್ಥೆ ಬದ್ಧವಾಗಿದೆ. ಕುಳಿತಿರುವ ಸ್ಥಳದಲ್ಲಿ ಕೈಗೆಟುಕುವ ದರದಲ್ಲಿ ಉತ್ಪನ್ನಗಳನ್ನು ಬುಕಿಂಗ್​ ಮಾಡಬಹುದು. ವಿದ್ಯುತ್​, ನೀರು ಸೇರಿ ವಿವಿಧ ಬಿಲ್​ಗಳಿಗೂ ಹಣ ಪಾವತಿಸಬಹುದು.

| ಎನ್​.ವಿಶ್ವ. ಎಂಡಿ, ವಿಶ್ವಾಸ್​ ವರ್ಲ್ಡ್​ ಟೆಕ್​ ಪ್ರೈ.ಲಿ.