ಕೆಎಂಸಿಯಲ್ಲಿ ಬೋನ್​ ಬ್ಯಾಂಕ್​ ಉದ್ಘಾಟನೆ

ಉಡುಪಿ: ಮಾಹೆ ಮಣಿಪಾಲದ ಕಸ್ತೂರ್ಬಾ ವೈದ್ಯಕಿಯ ಕಾಲೇಜು ಮತ್ತು ಆಸ್ಪತ್ರೆಗೆ ಮಣಿಪಾಲ್​ ಫೌಂಡೇಷನ್​ ಕೊಡುಗೆಯಾಗಿ ನೀಡಿದ ಬೋನ್​ ಬ್ಯಾಂಕ್​(ಮೂಳೆ ನಿಧಿ) ಅನ್ನು ಮಣಿಪಾಲ ಶಿಕ್ಷಣ ಮತ್ತು ವೈದ್ಯಕಿಯ ಸಮೂಹದ ಮುಖ್ಯಸ್ಥ ಡಾ. ರಂಜನ್​ ಆರ್​. ಪೈ ಭಾನುವಾರ ಉದ್ಘಾಟಿಸಿದರು. ಕೆಎಂಸಿ ಕಾಲೇಜು ಮತ್ತು ಆಸ್ಪತ್ರೆಗೆ ಅಭಿನಂದನೆ ಸಲ್ಲಿಸಿದ ಅವರು, ಯಶಸ್ಸು ಸಿಗಲೆಂದು ಹಾರೈಸಿದರು.
ಮಣಿಪಾಲ ಫೌಂಡೇಷನ್​ ಸಿಇಒ ಡಾ.ಹರಿನಾರಾಯಣ ಶಮಾರ್ ಮಾತನಾಡಿ, ಮಣಿಪಾಲ ನೆಟ್​ವರ್ಕ್​ನ ಆಸ್ಪತ್ರೆಗಳಲ್ಲಿ ಈ ಬೋನ್​ ಬ್ಯಾಂಕ್​ ಪ್ರಥಮವಾಗಿದೆ. ಈ ಮೂಲಕ ಉತ್ತರ ಕರಾವಳಿ ಕರ್ನಾಟಕದಲ್ಲಿ ರೋಗಿಗಳಿಗೆ ಉಪಯುಕ್ತವಾಗಲಿದೆ ಎಂದರು.

ಗುಣಮಟ್ಟದ ಚಿಕಿತ್ಸೆ
ಮಾಹೆ ಮಣಿಪಾಲದ ಉಪಕುಲಪತಿ ಲೆಫ್ಟಿನೆಂಟ್​ ಜನರಲ್​ (ಡಾ) ಎಂ.ಡಿ. ವೆಂಕಟೇಶ್​ ಮಾತನಾಡಿ, ದಾನಿಯ ಮೂಳೆಯ ಸಂಸ್ಕರಣೆ, ಕ್ಷ&ಕಿರಣ -ಸೋಂಕು ನಿವಾರಕ ಪ್ರಕ್ರಿಯೆ ವೆಚ್ಚದ ಹೊರತಾಗಿಯೂ ವಾಣಿಜ್ಯಿಕವಾಗಿ ಲಭ್ಯವಿರುವ ಪರ್ಯಾಯಗಳಿಗಿಂತ ಬೋನ್​ ಬ್ಯಾಂಕ್​ನ ಅಲೋಗ್ರಾಫ್ಟ್​ ಅಗ್ಗವಾಗಿರುತ್ತದೆ. ಅಲ್ಲದೆ, ಗುಣಮಟ್ಟದ್ದಾಗಿರುತ್ತದೆ ಎಂದರು.

ಮಣಿಪಾಲದಲ್ಲೇ ಸೌಲಭ್ಯ
ಮಣಿಪಾಲದಲ್ಲಿ ಬೋನ್​ ಬ್ಯಾಂಕ್​ ಆರಂಭಿಸಲು ಶ್ರಮಿಸಿದ ಎಲ್ಲರಿಗೂ ಮಾಹೆ ಮಣಿಪಾಲದ ಸಹ ಉಪಕುಲಪತಿ (ಆರೋಗ್ಯ ವಿಜ್ಞಾನ) ಡಾ. ಶರತ್​ಕುಮಾರ್​ ರಾವ್​- ಅಭಿನಂದನೆ ಸಲ್ಲಿಸಿ ಮಾತನಾಡಿ, ದೊಡ್ಡ ದೊಡ್ಡ ನಗರಗಳಲ್ಲಿ ಮಾತ್ರ ದೊರಕುವಂತಹ ಸೌಲಭ್ಯ ಈಗ ಮಣಿಪಾಲದಲ್ಲಿ ಸಿಗುವಂತಾಗಿದೆ ಎಂದರು.
ಮೂಳೆ ಮತ್ತು ಕೀಲು ವಿಭಾಗದ ಪ್ರಾಧ್ಯಾಪಕ ಹಾಗೂ ಬೋನ್​ ಬ್ಯಾಂಕ್​ನ ಸಂಚಾಲಕ ಡಾ. ಮೋನಪ್ಪ ನಾಯ್ಕ್​ ಆರೂರು, ಬೋನ್​ ಬ್ಯಾಂಕ್​ ಕುರಿತು ವಿವರವಾದ ಮಾಹಿತಿ ನೀಡಿದರು.

ಶ್ರುತಿ ಆರ್​. ಪೈ, ಡಾ. ಗಿರಿಧರ್​ ಕಿಣಿ, ಕುಲಸಚಿವ ಮಾಹೆ, ಸಿ.ಜಿ. ಮುತ್ತಣ್ಣ ಸಿಒಒ ಮಾಹೆ, ಮಾಹೆ ಮಣಿಪಾಲದ ಬೋಧಕ ಆಸ್ಪತ್ರೆಯ ಸಿಒಒ ಡಾ.ಆನಂದ ವೇಣುಗೋಪಾಲ್​, ಎಲ್ಲ ಸಹ ಡೀನ್​ಗಳು, ಮೂಳೆ ಮತ್ತು ಕೀಲು ವಿಭಾಗದ ಪ್ರಾಧ್ಯಾಪಕ ಹಾಗೂ ಮುಖ್ಯಸ್ಥ ಡಾ.ಶ್ಯಾಮಸುಂದರ್​ ಭಟ್​, ಉಪಸ್ಥಿತರಿದ್ದರು.