ಆರ್​ಪಿಎಲ್ ಕ್ರಿಕೆಟ್ ಟೂರ್ನಿ ಡಿ. 17ರಿಂದ

ಹುಬ್ಬಳ್ಳಿ: ಹುಬ್ಬಳ್ಳಿ ಬ್ಲೂಮರ್ಸ್ ಗ್ರುಪ್ ವತಿಯಿಂದ 12ನೇ ಆವೃತ್ತಿಯ ರಾಜಸ್ಥಾನ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಾಮೆಂಟ್ ಡಿಸೆಂಬರ್ 17ರಿಂದ 20ರವರೆಗೆ ನಗರದ ನೆಹರು ಮೈದಾನದಲ್ಲಿ ನಡೆಯಲಿದೆ.

ಟೂರ್ನಿಯಲ್ಲಿ 12 ತಂಡಗಳು ಸೆಣಸಲಿವೆ. ಕುಸುಗಲ್ ರಸ್ತೆಯ ಹುಬ್ಬಳ್ಳಿ ಸ್ಪೋರ್ಟ್ಸ್ ಪಾರ್ಕ್​ನಲ್ಲಿ ಆಟಗಾರರ ಹರಾಜು ಪ್ರಕ್ರಿಯೆ ಬುಧವಾರ ನಡೆಯಿತು. ಒಟ್ಟು 160 ಆಟಗಾರರನ್ನು ಬಿಡ್ಡಿಂಗ್ ಮೂಲಕ ಖರೀದಿಸಲಾಯಿತು.

ಪಂದ್ಯಾವಳಿಯ ಮುಖ್ಯ ಪ್ರಾಯೋಜಕರಾದ ರುದ್ರಾಕ್ಷ ಮಾರ್ಕೆಟಿಂಗ್​ನ ರಾಜುಭಾಯಿ ದವೆ ಉಪಸ್ಥಿತರಿದ್ದರು.

ಟ್ರೋಫಿಯ ಉದ್ಘಾಟನಾ ಸಮಾರಂಭದಲ್ಲಿ ವೀರೇಂದ್ರ ದಾಮ್ಜಿ ಛೇಡಾ, ಸುರೇಶ ಸಿ.ಜೈನ್(ಲಕ್ಕಿ), ಉದ್ಯಮಿ ಸಂತೋಷ ಬನ್ಸಾಲಿ ಪಾಲ್ಗೊಂಡಿದ್ದರು. ಬ್ಲೂಮರ್ಸ್ ಗ್ರುಪ್​ನ ಪ್ರಕಾಶ ಕಟಾರಿಯಾ, ವಿಕ್ರಮ ಪೋಮಾನಿ, ಮನೀಶ ಕೊಠಾರಿ, ದಿನೇಶ ರಾಥೋಡ, ಮಾನಕ್ಷಾ ರಾಜಪುರೋಹಿತ, ಹರೀಶ ರಾಜಪುರೋಹಿತ, ಇತರರು ಇದ್ದರು.