ಮಧ್ಯಾಹ್ನ 2 ಗಂಟೆಯಿಂದ ರಾತ್ರಿ 8ಗಂಟೆಯ ವರೆಗೆ ಇದ್ದ ಶಿಫ್ಟ್ನಲ್ಲಿ ಬಳಕೆ ಆಗದ ‘ಲಿಪೊಸೋಮಲ್ ಆಂಫೊಟೆರಿಸಿನ್ ಬಿ’-43 ಔಷಧಿಗಳಿದ್ದವು. ರಾತ್ರಿ 7.20ರಲ್ಲಿ ಇಂಟರ್ನ್ಶಿಪ್ ಮಾಡುತ್ತಿರುವ ಡಾ. ಪ್ರಣವ್, ಇಎನ್ಟಿ ಆಪ್ತೋಲೊಮಜಿ ವೈದ್ಯೆ ಡಾ.ಸಂಜನಾ ಹಾಗೂ ಸಿಬ್ಬಂದಿ ರಮೇಶ್ ಸಮ್ಮುಖದಲ್ಲಿ ಔಷಧಿಗಳಿದ್ದ ಲಾಕರ್ನ್ನು ಪರಿಶೀಲಿಸಲಾಗಿತ್ತು. ಆ ವೇಳೆ ಎಲ್ಲ ಔಷಧಿಗಳು ಸರಿಯಾಗಿ ಇದ್ದವು. ನಂತರ ಲಾಕರ್ ಕೀಯನ್ನು ನರ್ಸಿಂಗ್ ಸ್ಟೇಷನ್ನ ಮೇಜಿನ ಮೇಲೆ ಇಟ್ಟು ಹೋಗಿದ್ದೆವು. ಇದಾದ ಬಳಿಕ ಕರ್ತವ್ಯಕ್ಕೆ ಬಂದ ಡಾ. ಸಹನಾ ಔಷಧಿ ಕಳುವಾದ ಸಂಗತಿಯನ್ನು ನಮ್ಮ ಗಮನಕ್ಕೆ ತಂದಿದ್ದರು ಎಂಬ ಅಂಶವನ್ನು ಇಎನ್ಟಿ ವಿಭಾಗದ ಮುಖ್ಯಸ್ಥರು ಕೊಟ್ಟಿರುವ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ ಎಂದು ಡಾ.ಶ್ರೀನಿವಾಸ್ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.
