ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಸರ್ಕಾರಿ ಗೋಮಾಳಗಳು, ಅರಣ್ಯ ಭೂಮಿಗಳು, ದೇವಾಲಯದ ಜಾಗಗಳು, ಮಠ ಮಂದಿರದ ಜಾಗಗಳು, ಕೆರೆ, ಕುಂಟೆ, ಗುಂಡು ತೋಪು, ಕಾವಲ್ ಭೂಮಿಗಳೆನ್ನದೆ ಎಲ್ಲವನ್ನೂ 1962 ಗೆಜೆಟ್ ನೋಟಿಫಿಕೇಷನ್ ಮಾಡಿದ್ದು, ಇಡೀ ರಾಜ್ಯದ ಆಸ್ತಿಗಳಲ್ಲಿ ನ್ಯೂನತೆಯಿದ್ದು, ವಕ್ಫ್ಬೋರ್ಡ್ ಪ್ರಸ್ತುತ ತಮ್ಮ ಬಳಿ 43,599 ಎಕರೆ ಆಸ್ತಿ ಇದೆ ಎಂದಿದೆ. ಅವೆಲ್ಲವನ್ನು ಹಿಂಪಡೆಯಬೇಕು. ವಿಶೇಷವಾಗಿ ಜಿಲ್ಲೆಯ ಕ್ಯಾತನಹಳ್ಳಿ, ಕೆರೆತೊಣ್ಣೂರಿನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಸರ್ಕಾರಿ ಜಮೀನು ವಕ್ಫ್ಬೋರ್ಡ್ನಿಂದ ಕಬಳಿಕೆಯಾಗಿದೆ. ಈ ಬಗ್ಗೆ ರಾಜ್ಯ ವಿಧಾನ ಮಂಡಲದ ಹಿಂದುಳಿದ ವರ್ಗಗಳ ಹಾಗೂ ಅಲ್ಪಸಂಖ್ಯಾತರ ಕಲ್ಯಾಣ ಸಮಿತಿ ವರದಿಯಲ್ಲಿ ಉಲ್ಲೇಖಿಸಲಾಗಿದೆ, ಇವೆಲ್ಲವನ್ನೂ ಪರಿಗಣಿಸಿ ದೇಶದ ಆಸ್ತಿಯನ್ನು ಉಳಿಸಬೇಕು ಎಂದು ಮನವಿ ಮಾಡಿದರು.
