ಕಲಬುರಗಿ: ಜಾತಿ ಆಧಾರಿತ ಮೀಸಲು ವಿರೋಧಿಸಿದ ನೆಹರು ಪ್ರಣಿತ ಕಾಂಗ್ರೆಸ್ಸಿಗರು ದೇಶದ ಸ್ವಾತಂತ್ರÈದ ಆರಂಭದಿAದಲೂ ಸಂವಿಧಾನ ಮತ್ತು ಅಂಬೇಡ್ಕರ್ ಅವರಿಗೆ ಅಗೌರವ ತರುತ್ತಲೇ ಇದ್ದಾರೆ ಎಂದು ಬಿಜೆಪಿ ಹಿಂದುಳಿದ ವರ್ಗಗಳ ಮೋರ್ಚಾ ರಾಷ್ಟಿçÃಯ ಅಧ್ಯಕ್ಷ ಕೆ.ಲಕ್ಷö್ಮಣ ಹೇಳಿದರು.
ನಗರದ ಡಾ.ಎಸ್.ಎಂ.ಪAಡಿತ್ ರಂಗಮAದಿರದಲ್ಲಿ ಭಾರತೀಯ ಜನತಾ ಪಕ್ಷದಿಂದ ಶುಕ್ರವಾರ ಏರ್ಪಡಿಸಿದ್ದ ಸಂವಿಧಾನ ಸನ್ಮಾನ ಮತ್ತು ಪುಸ್ತಕ ಲೋಕಾರ್ಪಣೆ ಕಾರ್ಯಕ್ರಮದಲ್ಲಿ ಮಾತನಾಡಿ, ಒಂದು ಕುಟುಂಬ ಅಧಿಕಾರದಲ್ಲಿ ಇರಲು ಪದೇ ಪದೆ ಸಂವಿಧಾನ ತಿದ್ದುಪಡಿ ಮಾಡಿದರು. ಮೇದಾವಿ, ಬುದ್ಧಿಜೀವಿ ಅಂಬೇಡ್ಕರ್ನ್ನು ಅಧಿಕಾರದಿಂದ ದೂರ ಇಟ್ಟಿದ್ದು, ನೆಹರು. ಅದನ್ನೇ ಇಂದು ಕಾಂಗ್ರೆಸ್ಸಿಗರು ಮಾಡುತ್ತಿದ್ದಾರೆ ಎಂದು ಆರೋಪಿಸಿದರು.
ನೆಹರು, ಇಂದಿರಾಗಾAಧಿ ಜೀವಂತವಿದ್ದಾಗಲೇ ಭಾರತ ರತ್ನ ಕೊಟ್ಟುಕೊಂಡರು. ಆದರೆ ಅಂಬೇಡ್ಕರ್ಗೆ ಬಿಜೆಪಿ ಬೆಂಬಲಿತ ಸರ್ಕಾರ ಭಾರತ ರತ್ನ ನೀಡಿತು. ಸಂಸತ್ತಿನಲ್ಲಿ ಅಂಬೇಡ್ಕರ್ ಭಾವಚಿತ್ರ ಅಳವಡಿಸದೆ ಅವಮಾನಿಸಿದ್ದು, ಕಾಂಗ್ರೆಸ್ಸಿಗರು. ಅಕ್ರಮದಿಂದ ಗೆದ್ದ ಸಂಸದ ಸ್ಥಾನ ರದ್ದು ಮಾಡಿದ್ದಕ್ಕೆ ಪ್ರಜಾಸತಾತ್ಮಕ ವಿರೋಧಿ ತುರ್ತು ಪರಿಸ್ಥಿತಿ ಹೇರಿ ಇಡೀ ದೇಶವನ್ನು ಜೈಲು ಮಾಡಿದ ನಿರಂಕುಶವಾದಿಗಳು ಕಾಂಗ್ರೆಸ್ಸಿಗರು. ಇಂದಿಗೂ ಅವರ ಕೈಗೆ ಅಧಿಕಾರ ಹೋದರೆ ಅದನ್ನೇ ಮುಂದುವರಿಸುತ್ತಾರೆ ಎಂದರು.
ಜಾತಿ ಮೀಸಲು ವಿರೋಧಿಸಲು ನೆಹರು ಪತ್ರ: ಸಂವಿಧಾನ ರಚನೆ ವೇಳೆ ದೇಶದ ದೀನ, ದಲಿತರಿಗೆ ಜಾತಿ ಆಧಾರಿತ ಮೀಸಲು ನೀಡುವುದಕ್ಕೆ ಅಂಬೇಡ್ಕರ್ ವಾದಿಸಿದ್ದರು. ಆದರೆ ಅಂದಿನ ನೆಹರು ಅದನ್ನು ವಿರೋಧಿಸಿ, ಆರ್ಥಿಕತೆ ಆಧಾರಿತ ಮೀಸಲು ಎಂದಿದ್ದರು. ದೇಶದ ಎಲ್ಲ ಸಿಎಂಗಳಿಗೆ ಪತ್ರ ಬರೆದು, ಜಾತಿ ಆಧಾರಿತ ಮೀಸಲಿಗೆ ವಿರೋಧಿಸುವಂತೆ ಕೋರಿದ್ದ ದಾಖಲೆ ಇದೆ. ಮುಸ್ಲಿಂ ತುಷ್ಟಿçÃಕರಣಕ್ಕಾಗಿ ಜಮ್ಮು ಕಾಶ್ಮೀರಕ್ಕೆ ೩೭೦ ವಿಶೇಷ ಸ್ಥಾನ ನೀಡಿದ್ದರು. ಅದನ್ನು ವಿರೋಧಿಸಿದ ಅಂಬೇಡ್ಕರ್ ಅವರು ಕೇಂದ್ರ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡುವಂತೆ ಒತ್ತಡ ಹೇರಿದ್ದರು. ತುರ್ತು ಪರಿಸ್ಥಿತಿ ನಂತರ ಬಾಬು ಜಗಜೀವನರಾಂ ಪ್ರಧಾನಿ ಆಗುವುದು ತಡೆಯಲು ವ್ಯವಸ್ಥಿತವಾಗಿ ಕಾಂಗ್ರೆಸ್ನಿAದಲೇ ಸೋಲಿಸಲಾಯಿತು. ಆದರೆ ಬಿಜೆಪಿ ದಲಿತರಾದ ರಾಮನಾಥ ಕೋವಿಂದ, ಆದಿವಾಸಿ ದ್ರೌಪದಿ ಮುರ್ಮು, ಅಲ್ಪಸಂಖ್ಯಾತ ಅಬ್ದುಲ್ ಕಲಾಂ ಅವರನ್ನು ರಾಷ್ಟçಪತಿ ಮಾಡಿತು ಎಂದು ಕೆ.ಲಕ್ಷö್ಮಣ ಹೇಳಿದರು.
ಮಾಜಿ ಸಚಿವ, ಬಿಜೆಪಿ ರಾಜ್ಯ ಉಪಾಧ್ಯಕ್ಷ ಎನ್.ಮಹೇಶ ಮಾತನಾಡಿದರು. ಬಿಜೆಪಿ ಓಬಿಸಿ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಅವ್ವಣ್ಣ ಮ್ಯಾಕೇರಿ ಪ್ರಾಸ್ತಾವಿಕ ಮಾತನಾಡಿದರು. ಮಾಜಿ ಸಂಸದ ಡಾ.ಉಮೇಶ ಜಾಧವ್, ಶಾಸಕರಾದ ಬಸವರಾಜ ಮತ್ತಿಮಡು, ಬಿ.ಜಿ.ಪಾಟೀಲ್, ಶಶೀಲ್ ನಮೋಶಿ, ಬಿಜೆಪಿ ಜಿಲ್ಲಾಧ್ಯಕ್ಷ ಶಿವರಾಜ್ ಪಾಟೀಲ್ ರz್ದೆÃವಾಡಗಿ, ನಗರಾಧ್ಯಕ್ಷ ಚಂದು ಪಾಟೀಲï, ಮಾಜಿ ಶಾಸಕರಾದ ಸುಭಾಷ ಗುತ್ತೇದಾರ, ರಾಜಕುಮಾರ ಪಾಟೀಲ್ ತೇಲ್ಕೂರ, ಬಾಬುರಾವ ಚವ್ಹಾಣ್, ನಿತೀನ್ ಗುತ್ತೇದಾರ, ವಿಶಾಲ ದರ್ಗಿ, ಶರಣಪ್ಪ ತಳವಾರ, ದಯಾಘನ್ ಧಾರವಾಡಕರ, ಶಿವಯೋಗಿ ನಾಗನಳ್ಳಿ, ಸಂತೋಷ ಹಾದಿಮನಿ, ಭಾಗೀರಥಿ ಗುನ್ನಾಪುರ, ಶಶಿಕಲಾ ಟೆಂಗಳಿ, ಧರ್ಮಣ್ಣ ಇಟಗಾ ಇತರರಿದ್ದರು. ಅಂಬಾರಾಯ ಅಷ್ಟಗಿ ಸ್ವಾಗತಿಸಿದರು.
