ಪ್ರಚಾರದ ತೆವಲಿಗೆ ಹೆಣಗಳ ಮೇಲೆ ವಿಜಯೋತ್ಸವ

ಉಡುಪಿ: ಪೊಲೀಸರು ಸ್ಪಷ್ಟವಾಗಿ ನಿರಾಕರಿಸಿದರೂ ಮುಖ್ಯಮಂತ್ರಿಗಳು ಮತ್ತು ಉಪಮುಖ್ಯಮಂತ್ರಿಗಳು ಒತ್ತಡ ಹೇರಿ ಕಾರ್ಯಕ್ರಮ ಆಯೋಜಿಸಿರುವುದು ಸ್ಪಷ್ಟವಾಗಿದೆ. ರಾಜ್ಯ ಸರ್ಕಾರದ ತಪು$್ಪ ನಿರ್ಧಾರದಿಂದ 11 ಮಂದಿ ಮೃತರಾಗಿದ್ದಾರೆ. ಕಾಂಗ್ರೆಸ್​ ಪ್ರಚಾರದ ತೆವಲಿಗೆ ಹೆಣಗಳ ಮೇಲೆ ವಿಜಯೋತ್ಸವ ಆಚರಿಸಿದೆ ಎಂದು ಬಿಜೆಪಿ ಮಾಜಿ ಜಿಲ್ಲಾಧ್ಯಕ್ಷ ಮಟ್ಟಾರು ರತ್ನಾಕರ ಹೆಗ್ಡೆ ಆರೋಪಿಸಿದ್ದಾರೆ.

ಜಿಲ್ಲಾ ಬಿಜೆಪಿ ವತಿಯಿಂದ ಕಾಂಗ್ರೆಸ್​ ಸರ್ಕಾರ ಪೋಲಿಸ್​ ಅಧಿಕಾರಿಗಳ ಅಮಾನತು ಮಾಡಿರುವ ಕ್ರಮ ಖಂಡಿಸಿ ಬಿಜೆಪಿ ಜಿಲ್ಲಾ ಕಚೇರಿಯ ಬಳಿ ನಡೆದ ಪ್ರತಿಭಟನೆಯಲ್ಲಿ ಮಾತನಾಡಿದರು. ಕ್ರೀಡಾಂಗಣ ಬಳಿ ಲಾಂತರ ಜನ ಸೇರಿದ್ದರೂ ಆ್ಯಂಬುಲೆನ್ಸ್​ ಅಥವಾ ಅಗ್ನಿಶಾಮಕ ದಳ ವ್ಯವಸ್ಥೆ ಕಲ್ಪಿಸಿಲ್ಲ. ಮಾನ ಮರ್ಯಾದೆ ನತೆ ಇದ್ದರೆ ಮುಖ್ಯಮಂತ್ರಿಗಳು ರಾಜೀನಾಮೆ ಕೊಡಬೇಕು. ಆರ್​ ಸಿ ಬಿ ತಂಡಕ್ಕೆ ನೈತಿಕತೆ ಇದ್ದರೆ ಗೆದ್ದ 20 ಕೋಟಿ ರೂ. ಮೊತ್ತವನ್ನು ಮೃತ ಹಾಗೂ ಗಾಯಾಳುಗಳಿಗೆ ನೀಡಬೇಕು. ಈ ಕ್ರಿಕೇಟ್​ ತಂಡಗಳು ದೇಶಕ್ಕಾಗಿ ಅಥವಾ ರಾಜ್ಯಕ್ಕಾಗಿ ಆಟ ಆಡಿದವರಲ್ಲ ಎಂಬುದನ್ನು ಮನಗಾಣಬೇಕು. ಯುವಜನರಲ್ಲಿ ಅಂಧಾಭಿಮಾನ ಒಳ್ಳೆಯದ್ದಲ್ಲ ಎಂದು ಹೇಳಿದರು.

ಜಿಲ್ಲಾಧ್ಯಕ್ಷ ಕಿಶೋರ್​ ಕುಮಾರ್​ ಕುಂದಾಪುರ ಮಾತನಾಡಿದರು. ನಗರಸಭಾ ಅಧ್ಯಕ್ಷ ಪ್ರಭಾಕರ ಪೂಜಾರಿ, ಮಾಜಿ ಶಾಸಕ ಲಾಲಾಜಿ ಮೆಂಡನ್​, ಮುಖಂಡರಾದ ರಾವೇಂದ್ರ ಕಿಣಿ, ಸಂಧ್ಯಾ ರಮೇಶ್​, ರೇಶ್ಮಾ ಉದಯ್​ ಶೆಟ್ಟಿ, ಪೃಥ್ವಿರಾಜ್​ ಬಿಲ್ಲಾಡಿ, ದಿನೇಶ್​ ಅಮೀನ್​, ಜಿತೇಂದ್ರ ಶೆಟ್ಟಿ, ಗಿರೀಶ್​ ಅಂಚನ್​, ಶ್ರೀಶನಾಯಕ್​ ಪೆರ್ಣಂಕಿಲ ಮೊದಲಾದವರಿದ್ದರು. ಹೆರ್ಗ ದಿನೇಶ್​ ಹೆಗ್ಡೆ ಕಾರ್ಯಕ್ರಮ ನಿರೂಪಿಸಿದರು.