ಕಾಲೇಜಿನ ಸಂಸ್ಥಾಪಕ ಅಧ್ಯಕ್ಷ ಡಾ. ಜಿ.ಜಿ.ಹೆಗಡೆ ಪ್ರಾಸ್ತಾವಿಕ ಮಾತನಾಡಿ, ಉತ್ತರ ಕನ್ನಡ ಜಿಲ್ಲೆಯಲ್ಲಿ ಎಲ್ಲವೂ ಉತ್ತಮವಿದ್ದರೂ ಆರೋಗ್ಯ ಹಾಗೂ ಶಿಕ್ಷಣಕ್ಕೆ ಪಕ್ಕದ ಹಾಗೂ ದೂರದ ಜಿಲ್ಲೆಗಳನ್ನು ಅವಲಂಬಿಸಬೇಕಿದೆ. ಇಲ್ಲಿನ ಪ್ರತಿಭೆಗಳು ಇಲ್ಲಿಯೇ ಬೆಳೆಯಬೇಕು, ಲಕ್ಷಾಂತರ ಹಣ ಕೊಟ್ಟು ಅನ್ಯ ಜಿಲ್ಲೆಗಳಲ್ಲಿ ಹೆಣಗುವಂತಾಗಬಾರದು. ಆದರೆ ಮಕ್ಕಳು ಮುಂದೇನಾಗಬೇಕು ಎಂಬ ಕನಸಿನೊಟ್ಟಿಗೆ ನಮ್ಮ ಪರಂಪರೆ, ನಮ್ಮ ಮಣ್ಣನ್ನು ಮರೆಯಬಾರದು ಎಂಬ ಕಾರಣಕ್ಕೆ ಭಾರತೀಯ ಸಂಸ್ಕೃತಿ ಹಾಗೂ ಉನ್ನತ ಧ್ಯೇಯದೊಂದಿಗೆ ಹಮ್ಮಿಕೊಂಡ ವಸತಿ ಸಹಿತ ಪಿಯು ಕಾಲೇಜಿನ ಪರಿಕಲ್ಪನೆ ಯಶಸ್ಸಿನ ಹಾದಿಯಲ್ಲಿ ಸಾಗುತ್ತಿರುವುದು ಸಂತಸ ಹಾಗೂ ಸಾರ್ಥಕ ಭಾವನೆ ತಂದಿದೆ ಎಂದರು.
