ಶಾಸಕ ಹೆಬ್ಬಾರ ಅವರಿಗೆ ನೈತಿಕತೆ ಇದ್ದರೆ ಸ್ಥಾನಕ್ಕೆ ರಾಜೀನಾಮೆ ನೀಡಿ, ಕಾಂಗ್ರೆಸ್ ಸೇರಿ ಚುನಾವಣೆ ಎದುರಿಸಲಿ’ ಎಂದು ಆಗಾಗ ಬಿಜೆಪಿ ಮುಖಂಡರು ಸವಾಲು ಹಾಕುತ್ತಿದ್ದಾರಷ್ಟೇ! ಇದಕ್ಕೆ ಪ್ರತಿಯಾಗಿ ಹೆಬ್ಬಾರ ಅವರೂ, ’ನಿಮಗೆ ತಾಕತ್ತಿದ್ದರೆ ನನ್ನನ್ನು ಉಚ್ಛಾಟಿಸಿ’ ಎಂದು ಸವಾಲು ಹಾಕುತ್ತಿದ್ದಾರೆ. ಬಿಜೆಪಿ ಉಚ್ಛಾಟಿಸುವ ಧೈರ್ಯ ಮಾಡುತ್ತಿಲ್ಲ. ಉಚ್ಛಾಟಿಸಿದಲ್ಲಿ ಹೆಬ್ಬಾರ ಅವರ ಬಿಜೆಪಿ ಸದಸ್ಯತ್ವ ಮಾತ್ರ ಹೋಗುತ್ತದೆ. ಶಾಸಕ ಸ್ಥಾನ ಹಾಗೆಯೇ ಉಳಿದು, ಅವರು ಪಕ್ಷೇತರರಾಗಿ ಮುಂದುವರಿಯುತ್ತಾರೆ. ಆಗ ಕಾಂಗ್ರೆಸ್ ಸೇರಿದರೆ ಪಕ್ಷಾಂತರ ನಿಷೇಧ ಕಾಯ್ದೆ ಅನ್ವಯಿಸುವುದಿಲ್ಲ. ಹಾಗಾಗಿ ಉಚ್ಛಾಟಿಸಲು ಬಿಜೆಪಿ ಹಿಂದೇಟು ಹಾಕುತ್ತಿದೆ. ಇದನ್ನು ಅರಿತೇ ಹೆಬ್ಬಾರ ಸಹ ಈಗಲೇ ಪಕ್ಷ ತೊರೆದು ಕಾಂಗ್ರೆಸ್ ಸೇರುವ ತರಾತುರಿಯಲ್ಲಿಲ್ಲ. ಈಗಲೇ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿ, ಕಾಂಗ್ರೆಸ್ ಸೇರಿದರೆ ಉಪಚುನಾವಣೆ ಎದುರಿಸಬೇಕಾಗುತ್ತದೆ. ಸದ್ಯ ಹೀಗೆ ಮುಂದುವರಿದು ಚುನಾವಣೆ ಸಮೀಪಿಸುತ್ತಿದ್ದಂತೆ ಕಾಂಗ್ರೆಸ್ ಸೇರುವುದು ಹೆಬ್ಬಾರ ಯೋಜನೆ ಎಂಬುದು ಬೆಂಬಲಿಗರ ಮಾತು.
