ಫೀ. ಮಾ. ಕಾರ್ಯಪ್ಪ ಮತ್ತು ಜ. ತಿಮ್ಮಯ್ಯ ದೇಶದ ಮಹಾನ್ ನಾಯಕರು. ಇವರು ಒಂದು ಜನಾಂಗ ಅಥವಾ ಜಿಲ್ಲೆಗೆ ಸೀಮಿತವಾದ ವ್ಯಕ್ತಿಗಳಲ್ಲ. ಪ್ರಪಂಚದಾದ್ಯAತ ಆದರದಿಂದ ಗುರುತಿಸುವ, ನಾಗರಿಕ ಸಮಾಜ ಗೌರವದಿಂದ ಕಾಣುವ ಮಹಾನ್ ಚೇತನಗಳು ಇವರು. ಇಂಥವರನ್ನು ಘನತೆಯ ವಕೀಲ ವೃತಿಯಲ್ಲಿ ಇರುವಾತ ಅನಾಗರಿಕವಾಗಿ ನಿಂದಿಸುವ ಕೆಲಸ ಮಾಡಿದ್ದಾನೆ. ಪೊಲೀಸ್ ಇಲಾಖೆ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಬೇಕು. ಆತ ಹಿಂದು ಧರ್ಮ, ಕೊಡಗಿನ ಆಚಾರ-ವಿಚಾರ ಟೀಕೆ ಮಾಡುವಾತ. ಈಗ ಮಹಾನ್ ಸೇನಾ ನಾಯಕರನ್ನು ನಿಂದಿಸುವ ಮೂಲಕ ದೇಶ ದ್ರೋಹದ ಕೆಲಸ ಮಾಡಿದ್ದಾನೆ. ಈತನನ್ನು ಪೊಲೀಸರು ಭಯೋತ್ಪಾದಕ ಎಂದು ಗುರುತಿಸಬೇಕಿತ್ತು. ಜನಾಂಗೀಯ ಸಂಘರ್ಷಕ್ಕೆ ದಾರಿ ಮಾಡಿಕೊಡುವಂತೆ ನಿಂದಿಸಿರುವ ಈತನ ಮೇಲೆ ಆಂತರಿಕ ಭದ್ರತಾ ಕಾಯಿದೆ ಹಾಕುವ ಮೂಲಕ ಸಮಾಜ ಘಾತುಕರಿಗೆ ಎಚ್ಚರಿಕೆಯ ಸಂದೇಶ ಕಳಿಸಬೇಕು. ಜನಾಂಗಿಯ ಸಂಘರ್ಷಕ್ಕೆ ದಾರಿ ಮಾಡಿ ಕೊಡುವವರನ್ನು ಮೂಲದಲ್ಲೇ ಚಿವುಟಿ ಹಾಕಬೇಕು. ಸಮಾಜಕ್ಕೆ ದ್ರೋಹ ಮಾಡಿದ ಈತ ಮಡಿಕೇರಿ ಬಾರ್ ಅಸೋಸಿಯೇಷನ್ ಸದಸ್ಯನೂ ಆಗಿದ್ದು, ಈತನ ವಿರುದ್ಧ ಮಡಿಕೇರಿ ಬಾರ್ ಅಸೋಸಿಯೇಷನ್ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕು ಎಂದು ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಆಗ್ರಹಿಸಿದರು.
