ಜನಮನ ಸೆಳೆದ ಗುಣಮಟ್ಟಕ್ಕಾಗಿ ನಡಿಗೆ, ಬಿಐಎಸ್​ನಿಂದ 4 ಕಿ.ಮೀ. ವಾಕಥಾನ್

ಹುಬ್ಬಳ್ಳಿ: ಇಲ್ಲಿಯ ಬ್ಯೂರೋ ಆಫ್ ಇಂಡಿಯನ್ ಸ್ಟಾ್ಯಂಡರ್ಡ್ಸ್ (ಬಿಐಎಸ್) ಶಾಖೆ ವತಿಯಿಂದ ಶನಿವಾರ ನಗರದಲ್ಲಿ ಏರ್ಪಡಿಸಿದ್ದ ಕ್ವಾಲಿಟಿ ವಾಕ್​ಗೆ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಯಿತು.

ಇಲ್ಲಿಯ ಭೈರಿದೇವರಕೊಪ್ಪ ಬಳಿಯ ಸನಾ ಗ್ರುಪ್ ಆಫ್ ಇನ್​ಸ್ಟಿಟ್ಯೂಟ್ ಸಹಯೋಗದಲ್ಲಿ ಆಯೋಜಿಸಿದ್ದ ವಾಕಥಾನ್​ನಲ್ಲಿ 650ಕ್ಕೂ ಹೆಚ್ಚು ವಿದ್ಯಾರ್ಥಿಗಳು, ಸರ್ಕಾರೇತರ ಸಂಸ್ಥೆಗಳು, ಸಾರ್ವಜನಿಕರು ಪಾಲ್ಗೊಂಡಿದ್ದರು. ಸುಮಾರು ನಾಲ್ಕು ಕಿ.ಮೀ. ವರೆಗೆ ಜಾಥಾ ನಡೆಸಿ ಜಾಗೃತಿ ಮೂಡಿಸಿದರು.

ರ್ವ್ಡಲ ಸ್ಟಾ್ಯಂಡರ್ಡ್ಸ್ ಡೇ ಆಚರಣೆ ಅಂಗವಾಗಿ ಉತ್ಪಾದಕರು ಹಾಗೂ ಗ್ರಾಹಕರಲ್ಲಿ ಗುಣಮಟ್ಟದ ವಸ್ತುಗಳ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಈ ಕಾರ್ಯಕ್ರಮ ಆಯೋಜಿಸಲಾಗಿತ್ತು.

ನಿತ್ಯ ಬಳಕೆ ವಸ್ತುಗಳು ಗುಣಮಟ್ಟದಿಂದ ಕೂಡಿರಬೇಕು, ಗ್ರಾಹಕರು ಸದಾ ಜಾಗೃತರಾಗಿರಬೇಕು ಎಂಬುದು ಸೇರಿದಂತೆ ವಿವಿಧ ಫಲಕಗಳನ್ನು ಹಿಡಿದುಕೊಂಡು ವಿದ್ಯಾರ್ಥಿಗಳು ಘೊಷಣೆ ಮೊಳಗಿಸಿದರು.

ಸನಾ ಕಾಲೇಜಿನಿಂದ ಆರಂಭವಾದ ವಾಕಥಾನ್​ಗೆ ಬಿಐಎಸ್ ಶಾಖೆಯ ಉಪನಿರ್ದೇಶಕ ಎಂ. ಪ್ರದೀಪಕುಮಾರ, ಸನಾ ಗ್ರುಪ್​ನ ಟ್ರಸ್ಟಿ ಅಶ್ರಫ್ ಅಲಿ ಅವರು ಚಾಲನೆ ನೀಡಿದರು. ಉಣಕಲ್ಲ ಉದ್ಯಾನದವರೆಗೆ ಸಾಗಿದ ಜಾಥಾದಲ್ಲಿ ಅಧಿಕಾರಿಗಳು, ಅಧ್ಯಾಪಕರು ಭಾಗವಹಿಸಿದ್ದರು.