ಗುಣಮಟ್ಟ ಉತ್ಪನ್ನ ಒದಗಿಸಲು ಬಿಐಎಸ್​ ಕಾಯೋರ್ನ್ಮುಖ

ಬೆಂಗಳೂರು: ವಿಶ್ವ ಗುಣಮಟ್ಟ ದಿನ ನಿಮಿತ್ತ ಭಾರತೀಯ ಮಾನಕ ಬ್ಯುರೋ (ಬಿಐಎಸ್​) ಬೆಂಗಳೂರು ಘಟಕ, ಶುಕ್ರವಾರ ನಗರದ ಖಾಸಗಿ ಹೋಟೆಲ್​ನಲ್ಲಿ "ಉತ್ತಮ ಪ್ರಯೋಗಾಲಯ ಅಭ್ಯಾಸಗಳು' ಹಾಗೂ "ತಾಂತ್ರಿಕ ಕಾರ್ಯಾಗಾರ' ಕಾರ್ಯಕ್ರಮ ಆಯೋಜಿಸಿತ್ತು.

ಬಿಐಎಸ್​ ಬೆಂಗಳೂರು ಘಟಕ ನಿರ್ದೇಶಕ ಕೆ. ವಿಜಯವೀರನ್​ ಮಾತನಾಡಿ, ಸಾರ್ವಜನಿಕರಿಗೆ ಗುಣಮಟ್ಟದ ಉತ್ಪನ್ನಗಳ ಒದಗಿಸುವ ನಿಟ್ಟಿನಲ್ಲಿ ಬಿಐಎಸ್​ ಕಾಯೋರ್ನ್ಮುಖವಾಗಿದೆ. ಪ್ರಯೋಗಾಲಯಗಳ ನಾವೀನ್ಯತೆಯಿಂದ ಪರಿಣಾಮಕಾರಿಯಾಗಿ ಕಲಬೆರಕೆ ತಡೆಗಟ್ಟಬಹುದು ಎಂದರು.

ಬಿಐಎಸ್​ ಪರವಾನಗಿ ಪಡೆದು ತಯಾರಿಸುವ, ಪ್ಯಾಕಿಂಗ್​ ಮೇಲೆ ಐಎಸ್​ಐ ಗುರುತು ಇರುವ ಉತ್ಪನ್ನಗಳ ಖರೀದಿಸಬೇಕು. ಉತ್ಪಾದನೆ, ಸಂಸ್ಕರಣೆ, ವಿತರಣೆ, ಸಾಗಣೆ, ಮಾರಾಟ ಹಂತಗಳಲ್ಲಿ ಸುರಕ್ಷತೆ ಕಾಪಾಡಬೇಕು. ರಾಸಾಯನಿಕ, ಕಲಬೆರಕೆ ವಸ್ತುಗಳನ್ನು ಖರೀದಿಸದಂತೆ ಜನಜಾಗೃತಿ ಮೂಡಿಸಲಾಗುತ್ತಿದೆ ಎಂದು ಹೇಳಿದರು.

ಗ್ರೂಪ್​ ಕ್ಯಾಪ್ಟನ್​ ಕಮಾಂಡಿಂಗ್​ ಆಫೀಸರ್​ ಸಂತೋಷ್​ ಕೆ. ವಯಕೋಡನ್​ ಮಾತನಾಡಿ, ಗುಣಮಟ್ಟದ ಆಹಾರ ಒದಗಿಸುವುದು ಆಹಾರ ಉದ್ದಿಮೆಗಳ ಕರ್ತವ್ಯ. ಕಲಬೆರಕೆ ಆಹಾರ ವಿರುದ್ಧ ಕ್ರಮ ಕೈಗೊಂಡು ಸಾರ್ವಜನಿಕರಿಗೆ ಗುಣಮಟ್ಟ ಆಹಾರ ಒದಗಿಸುವಲ್ಲಿ ಬಿಐಎಸ್​ ಪ್ರಮುಖ ಪಾತ್ರವಹಿಸಿದೆ ಎಂದರು.

ಪ್ರಯೋಗಾಲಯದಲ್ಲಿ ಮಾನದಂಡಗಳ ತಯಾರಿಕೆ, ಅನುಷ್ಠಾನ, ನಿಯಮಿತ ಪರೀೆ ಕುರಿತು ವಿಜ್ಞಾನಿ ಟಿ.ನಾಗಮಣಿ ಮಾತನಾಡಿದರು. ಕೃತಕ ಬುದ್ದಿಮತ್ತೆ (ಎಐ) ಪಾತ್ರ ಕುರಿತು ತಜ್ಞರು ಬೆಳಕು ಚೆಲ್ಲಿದರು. ಪ್ರಾಧ್ಯಾಪಕರು, ವಿಜ್ಞಾನಿಗಳು, ಇಂಜಿನಿಯರ್​ಗಳು ಭಾಗವಹಿಸಿದ್ದರು.

https://www.vijayavani.net/jose-alukkas-started-in-rajajinagar