ಸೈಕಲ್​ ಜಾಗೃತಿ ಜಾಥಾ

ವಿಜಯಪುರ : ಇಲ್ಲಿನ ಶಾಂತಿನಿಕೇತನ ಅಂತಾರಾಷ್ಟ್ರೀಯ (ಸಿಬಿಎಸ್​ಸಿ) ಶಾಲೆ ವಿದ್ಯಾರ್ಥಿಗಳಿಂದ ವಿಶ್ವ ಪರಿಸರ ಸಂರಣಾ ದಿನದ ಅಂಗವಾಗಿ ಸೈಕಲ್​ ಜಾಗೃತಿ ಜಾಥಾ ನಡೆಯಿತು.

ನಗರದ ಗೋಳಗುಮ್ಮಟ ಆವರಣದ ಬಳಿ ಶನಿವಾರ ಹಮ್ಮಿಕೊಂಡಿದ್ದ ಜಾಗೃತಿ ಜಾಥಾಗೆ ಸಂಸ್ಥೆಯ ನಿರ್ದೇಶಕ ಭರತ್​ ಬಿರಾದಾರ ಹಸಿರು ನಿಶಾನೆ ತೋರಿಸಿ ಚಾಲನೆ ನೀಡಿದರು. ಜಾಥಾ ಗಾಂಧಿ ವೃತ್ತ, ರಾಮ ಮಂದಿರ ಹಾಗೂ ಬಿಎಲ್​ಡಿಇ ರಸ್ತೆ ಮಾರ್ಗವಾಗಿ ಸಂಚರಿಸಿ ಶಾಂತಿನಿಕೇತನ ಶಾಲೆ ತಲುಪಿತು. ಜಾಥಾದಲ್ಲಿ ಮಕ್ಕಳು ಪರಿಸರ ರಕ್ಷಿಸುವ ಕುರಿತು ಭಿತ್ತಿಪತ್ರಗಳನ್ನು ಪ್ರದರ್ಶಿಸಿದರು.

ಶಾಲೆ ಪ್ರಾಚಾರ್ಯ ರಿಜೇಶ್​ ಪಿ.ಎನ್​., ಶೈಕ್ಷಣಿಕ ಸಂಯೋಜಕಿ ಕಮರ್​ ಪಾರಾ ಹಾಗೂ ಕ್ಯಾಂಪಸ್​ ಆಡಳಿತಾಧಿಕಾರಿ ಪ್ರಶಾಂತ ಹುರಕಡ್ಲಿ ಮತ್ತಿತರರಿದ್ದರು.