ಕ್ರಿ.ಶ.1818ರಲ್ಲಿ ಮನುವಾದಿ ಪೇಶ್ವೆಗಳ ಅಧೀನದಲ್ಲಿ ರಾಜ್ಯಾಡಳಿತ ನಡೆಯುತ್ತಿತ್ತು. ಈಗಿನ ಮಹಾರಾಷ್ಟ್ರ ವ್ಯಾಪ್ತಿ ಪ್ರದೇಶದಲ್ಲಿ, ಮನುಸ್ಮೃತಿ ಸಂವಿಧಾನದ ಅಡಿಯಲ್ಲಿ ರಾಜ್ಯಭಾರ ನಡೆಯುತ್ತಿತ್ತು, ಬ್ರಿಟಿಷರು ಭಾರತ ದೇಶದಲ್ಲಿ ಒಂದೊಂದೇ ಪ್ರಾಂತ್ಯಗಳನ್ನು ವಶಪಡಿಸಿಕೊಂಡು ಬರುತ್ತಿದ್ದ ಕಾಲಘಟ್ಟವದು. ಮನುವಾದಿ ಪೇಶ್ವೆಗಳ ಆಡಳಿತದಲ್ಲಿ ಜಾತಿ, ಅಸ್ಪೃಶ್ಯತೆ, ಮೇಲುಕೀಳುಗಳ ವಿರುದ್ಧ ಸೆಟೆದು ನಿಂತು ಮಾನವೀಯ ಮೌಲ್ಯಗಳನ್ನು ಪಡೆದುಕೊಳ್ಳಲು ಹಂಬಲಿಸುವ ಮಹರ್ ಸೈನಿಕರ ಧೈರ್ಯ, ಸಾಹಸ ಕೆಚ್ಚೆದೆಯ ಹೋರಾಟ ಆರಂಭಗೊಂಡು ಭೀಮಾನದೀ ತೀರದಲ್ಲಿ 2800 ಪೇಶ್ವೆ ಸೈನಿಕರನ್ನು 500 ಜನ ಮಹಾರ್ರೆಜಿಮೆಂಟ್ ಸೈನಿಕರು ಸೋಲಿಸಿದ ಐತಿಹಾಸಕ ಘಟನೆ ಇತಿಹಾಸ ಪುಟಗಳಲ್ಲಿ ಮುಚ್ಚಿಹೋಗಿತ್ತು. ಈ ಯುದ್ದದ ಗೆಲುವು ಭಾರತದೇಶದಲ್ಲಿ ಎಲ್ಲರಿಗೂ ಶಿಕ್ಷಣ, ಉದ್ಯೋಗ, ಆತ್ಮಗೌರವ, ಮಹಿಳೆಯರಿಗೆ ಸ್ವಾಭಿಮಾನ ತಂದುಕೊಡುವುದಲ್ಲದೆ, ಸಾಮಾಜಿಕ ಬದಲಾವಣೆಗೆ ಹೊಸ ದಿಕ್ಸೂಚಿಯನ್ನೇ ನೀಡಿತು, ಆಧುನಿಕ ಭಾರತ ನಿರ್ಮಾಣವಾಗಲು ಮುನ್ನುಡಿ ಬರೆಯಿತು ಎಂದು ತಿಳಿಸಿದರು.
