ಗ್ರಾಮದ ದೇಗುಲ ಹಾಗೂ ಪ್ರಮುಖ ಬೀದಿಗಳಿಗೆ ವಿದ್ಯುತ್ ದೀಪಾಲಂಕಾರ, ರಂಗ ಮಂಟಪ್ಪ ಹಾಗೂ ರಂಗದ ಬೀದಿಯನ್ನು ಬಾಳೆಕಂದು, ತಳಿರು-ತೋರಣಗಳಿಂದ ಸಿಂಗರಿಸಲಾಗಿತ್ತು. ಮುಂಜಾನೆಯಿಂದಲೇ ಭಕ್ತರು ಶ್ರೀ ಭೈರವೇಶ್ವರಸ್ವಾಮಿ ಸನ್ನಿಧಿಗೆ ಆಗಮಿಸಿದ್ದರು. ಭೈರವನಿಗೆ ಅಭಿಷೇಕ, ಏಕವಾರು ಅಭಿಷೇಕ, ಪುಷ್ಪಾರ್ಚನೆ, ಕುಂಕುಮಾರ್ಚನೆ ಹಾಗೂ ಪುಷ್ಪಾಲಂಕಾರ ನಡೆಯಿತು. ಭಕ್ತರು ಹೂವು, ಹಣ್ಣು-ಕಾಯಿ ಅರ್ಪಿಸಿ ಗಂಧ-ಕರ್ಪೂರ ಬೆಳಗಿಸಿದರು.
ಸಂಜೆ 4 ಗಂಟೆಗೆ ಶ್ರೀ ಭೈರವೇಶ್ವರಸ್ವಾಮಿ ದೇಗುಲದಿಂದ ಕಳಶೋತ್ಸವವು ಆರಂಭಗೊಂಡು, ಆಂಜನೇಯಸ್ವಾಮಿ ಸನ್ನಿಧಿ, ಮಾಸ್ತಿಯಮ್ಮ ದೇವಿಯ ಗುಡಿಯತ್ತಾ ಸಾಗಿತು. ನೂರಾರು ಭಕ್ತರ ಜೈಕಾರದೊಂದಿಗೆ ಕಳಶೋತ್ಸವವು ಸಾಗಿದಂತೆ ಭಕ್ತರು ಈಡುಕಾಯಿ ಹೊಡೆದರು.
