ಲೋಕಾಯುಕ್ತ ಬಲೆಗೆ ಬೆಟ್ಟದಪುರ ಪಿಎಸ್‌ಐ

ಮೈಸೂರು: ಲಂಚ ಪ್ರಕರಣದಲ್ಲಿ ಬೆಟ್ಟದಪುರ ಪೊಲೀಸ್ ಠಾಣೆ ಸಬ್ ಇನ್‌ಸ್ಪೆಕ್ಟರ್ ಶಿವಶಂಕರ್ ಲೋಕಾಯುಕ್ತ ಬಲೆಗೆ ಬಿದ್ದಿದ್ದಾರೆ.

ಜಪ್ತಿ ಮಾಡಿದ ಮೊಬೈಲ್ ವಾಪಸ್ ಕೊಡಲು ಹಾಗೂ ಕೊಲೆ ಯತ್ನ ಪ್ರಕರಣವೊಂದರಲ್ಲಿ ಒಬ್ಬರ ಪರ ಅನುಕೂಲ ಮಾಡಿಕೊಡುವ ಸಂಬಂಧ ಲಂಚಕ್ಕೆ ಬೇಡಿಕೆ ಇಟ್ಟಿದ್ದರೆನ್ನಲಾಗಿದೆ. ಈ ಕುರಿತು ಹೈಕೋರ್ಟ್ ವಕೀಲರೊಬ್ಬರು, ಲೋಕಾಯುಕ್ತ ಪೊಲೀಸರಿಗೆ ದೂರು ನೀಡಿದ್ದರು.

ದೂರು ದಾಖಲಿಸಿಕೊಂಡ ಲೋಕಾಯುಕ್ತ ಇನ್‌ಸ್ಪೆಕ್ಟರ್‌ಗಳಾದ ಅಶೋಕ್‌ಕುಮಾರ್, ರವಿಕುಮಾರ್ ಅವರು ಶುಕ್ರವಾರ ಸಂಜೆ ದಾಳಿ ನಡೆಸಿದಾಗ, ಠಾಣೆಯಲ್ಲಿ 80 ಸಾವಿರ ರೂ. ಸಬ್‌ಇನ್‌ಸ್ಪೆಕ್ಟರ್ ಮುಂದೆ ಇದ್ದಾಗ ವಶಕ್ಕೆ ಪಡೆದಿದ್ದಾರೆ.