ಶಿಕ್ಷಕನ ನಿರ್ಲಕ್ಷ್ಯಕ್ಕೆ ಆಕ್ರೋಶ: ವಿದ್ಯಾರ್ಥಿಗಳ ನೃತ್ಯ ತಾಲೀಮಿನ ದೃಶ್ಯ ಕೊಠಡಿಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಇತರ ಅನುಮಾನಗಳಿಂದ ಆಡಳಿತ ಮಂಡಳಿ ಆರೋಪ ಮುಕ್ತವಾಗಿದೆಯಾದರೂ ರಿಹರ್ಸಲ್ ಉಸ್ತುವಾರಿ ವಹಿಸಿದ್ದ ಶಿಕ್ಷಕ ವಾಸುದೇವ್ ನಿರ್ಲಕ್ಷ್ಯ ಸಾಬೀತಾಗಿದೆ. ಸುಮಾರು 5 ನಿಮಿಷದ ಕ್ಯಾಮರಾ ಫೋಟೇಜ್ನಲ್ಲಿ ಡ್ಯಾನ್ಸ್ ಕಲಿಸಬೇಕಾದ ಶಿಕ್ಷಕ ಮೂಲೆಯಲ್ಲಿ ಕುಳಿತು ಮೊಬೈಲ್ ವೀಕ್ಷಿಸುತ್ತಿದ್ದ, ಪೂಜಿತಾ ಕುಸಿದು ಬಿದ್ದಾಗ ಸಹಪಾಠಿಗಳು ಕೂಗಿಕೊಂಡರೂ ಶಿಕ್ಷಕ ಪ್ರಥಮ ಚಿಕಿತ್ಸೆಗೆ ಮುಂದಾಗಲಿಲ್ಲ. ಇದರಿಂದ ವಿದ್ಯಾರ್ಥಿಗಳು ಇತರ ಶಿಕ್ಷಕಿಯರನ್ನು ಸ್ಥಳಕ್ಕೆ ಕರೆತಂದಿದ್ದಾರೆ. ಬಳಿಕ ಶಿಕ್ಷಕ ಬಂದಿರುವ ದೃಶ್ಯ ಸೆರೆಯಾಗಿದೆ. ಇದು ಪಾಲಕರ ಹಾಗೂ ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.
