ವರ್ಷದಿಂದ ವರ್ಷಕ್ಕೆ ರಾಗಿ ದರ ಗಗನಮುಖಿಯಾಗುತ್ತಿರುವುದು ರಾಗಿ ಬೆಳೆಗಾರರಿಗೆ ಸಂತಸ ತಂದಿದೆ, ಮಾರುಕಟ್ಟೆಗಳಲ್ಲಿ ಗುಣಮಟ್ಟದ ರಾಗಿ ಉತ್ತಮ ಬೇಡಿಕೆ ಸೃಷ್ಟಿಯಾಗುತ್ತಿದೆ. ಸರ್ಕಾರ ಸಹ ಬೆಂಬಲ ಬೆಲೆ ಯೋಜನೆಯಡಿ ದರ ಹೆಚ್ಚಿಸುತ್ತಾ ಬಂದಿದೆ. ಉತ್ತಮ ಸಲಿನ ನಿರೀಕ್ಷೆ ಜತೆಗೆ ಬೆಂಬಲ ಬೆಲೆ ಯೋಜನೆಯಡಿ ಲಾಭ ಪಡೆಯಬಹುದೆಂಬ ರೈತರ ಕನಸನ್ನು ಕಾಡುಹಂದಿಗಳು ಭಗ್ನ ಮಾಡುತ್ತಿವೆ. 2022-23 ನೇ ಸಾಲಿನಲ್ಲಿ ಪ್ರತೀ ಕ್ವಿಂಟಾಲ್ ರಾಗಿಗೆ 3578 ರೂ ನಿಗಧಿಪಡಿಸಲಾಗಿತ್ತು. 2023-24 ರಲ್ಲಿ ಈ ದರವನ್ನು 3846 ರೂಪಾಯಿಗೆ ಹೆಚ್ಚಿಸಲಾಗಿತ್ತು. 2024-25 ರಲ್ಲಿ 4290 ರೂಪಾಯಿಗೆ ಹೆಚ್ಚಳ ಮಾಡಲಾಗಿದೆ. ಕಳೆದ ಬಾರಿಗೆ ಹೋಲಿಸಿದರೆ ಈ ಬಾರಿ ಪ್ರತಿ ಕ್ವಿಂಟಾಲ್ ರಾಗಿಗೆ 4886 ರೂಪಾಯಿ ಹೆಚ್ಚಿಸಲಾಗಿದೆ, ದರ ಹೆಚ್ಚಳ ರೈತಾಪಿ ಜನರಲ್ಲಿ ಸಂತಸ ಮೂಡಿಸಿದ್ದರೂ ಕಾಡುಹಂದಿಗಳಿಂದ ಬೆಳೆ ರಕ್ಷಣೆ ಮಾಡಿ ಬೆಂಬಲ ಬೆಲೆ ಪಡೆಯುವುದು ಹೇಗೆ ಎಂಬ ಆತಂಕ ತಂದೊಡ್ಡಿದೆ.
