ಜಿಲ್ಲೆಯ ನಾಲ್ಕೂ ತಾಲೂಕುಗಳು ರಾಜ್ಯ ರಾಜಧಾನಿ ಬೆಂಗಳೂರಿನ ಗಡಿ ಹಂಚಿಕೊಂಡಿದ್ದರೂ ರಾಜ್ಯ ಸರ್ಕಾರಕ್ಕೆ ಜಿಲ್ಲೆಯ ಅಭಿವೃದ್ಧಿ ಅಪಥ್ಯವೆನಿಸಿದಂತಿದೆ. ಹೊಸಕೋಟೆ, ನೆಲಮಂಗಲ ವ್ಯಾಪ್ತಿಯಲ್ಲಿ ದೊಡ್ಡಮಟ್ಟದ ಕೈಗಾರಿಕೆಗಳು ವಿಸ್ತಾರಗೊಳ್ಳುತ್ತಿದ್ದರೂ ನೀರಾವರಿ ಯೋಜನೆಗಳಿಗೆ ಮಹತ್ವ ನೀಡದಿರುವುದು, ಮೆಟ್ರೋ ವಿಸ್ತರಣೆ ಬಗ್ಗೆ ಗಮನ ನೀಡದಿರುವುದು ಕೈಗಾರಿಕಾ ಕ್ಷೇತ್ರದ ಬಗ್ಗೆ ಸರ್ಕಾರಕ್ಕೆ ಅಷ್ಟೇನು ಒಲವಿಲ್ಲ ಎಂಬಂತೆ ಗೋಚರಿಸುತ್ತಿದೆ. ಕೈಗಾರಿಕಾ ವಲಯಗಳ ಸ್ಥಾಪನೆಗೆ ಜಿಲ್ಲೆಯ ಲವತ್ತಾದ ಕೃಷಿ ಭೂಮಿಯ ಕಬಳಿಕೆಗೆ ತೋರುವ ಆಸಕ್ತಿ ರೈತಾಪಿ ಜನರ ಅಭಿವೃದ್ಧಿ ಕಡೆಗೆ ಏಕಿಲ್ಲ ಎಂಬುದು ಜನರ ಪ್ರಶ್ನೆಯಾಗಿದೆ. ಮೆಡಿಕಲ್ ಕಾಲೇಜು ಸ್ಥಾಪನೆಗೆ ಸಾಕಷ್ಟು ಒತ್ತಾಯವಿದ್ದರೆ ಪ್ಯಾರಾಮೆಡಿಕಲ್ ಕೋರ್ಸ್ ೋಷಣೆಯಾಗಿರುವುದು, ದೊಡ್ಡಬಳ್ಳಾಪುರಕ್ಕೆ ಎಚ್ಎನ್ವ್ಯಾಲಿ ನೀರು ಬೇಡೆಂಬ ವಿರೋಧದ ನಡುವೆ ಕೆರೆ ತುಂಬಿಸುವ ೋಷಣೆಯಾಗಿರುವುದು ಬೇಸರಕ್ಕೆ ಕಾರಣವಾಗಿದ್ದರೆ, ಸಣ್ಣಪುಟ್ಟ ಯೋಜನೆಗಳ ಮೂಲಕ ಜಿಲ್ಲೆಗೂ ಒಂದಷ್ಟು ಕೊಡಲಾಗಿದೆ ಎಂಬಂತೆ ಬಿಂಬಿಸುವ ಪ್ರಯತ್ನ ನಡೆದಿರುವುದು ಜಿಲ್ಲೆಯ ಜನರ ಅಸಮಾಧಾನಕ್ಕೆ ಕಾರಣವಾಗಿದೆ.
