ಕೋತಿರಾಜ್ ತಂಡದಿಂದ ಅದ್ವೆತ್ ಶೋಧ

ಪೊಲೀಸರಿಗೆ ಕಗ್ಗಂಟಾಗಿರುವ ಅದ್ವೆತ್ ಉಪಾಧ್ಯಾಯ ನಾಪತ್ತೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬುಧವಾರ ಚಿತ್ರದುರ್ಗದ ಕೋತಿರಾಜ್ ತಂಡ ಆಗಮಿಸಿದ್ದು ಶಿವಗಂಗೆಯಲ್ಲಿ ಶೋಧಕಾರ್ಯ ಮುಂದುವರೆಸಿದೆ.

ಎಸ್‌ಡಿಆರ್‌ಎ್, ಎನ್‌ಡಿಆರ್‌ಎ್, ಅರಣ್ಯ ಇಲಾಖೆ, ಪೊಲೀಸರು ಸೇರಿ ಡ್ರೋಣ್ ಕಣ್ಣಿಗೂ ಬೀಳದ ಅದ್ವೆತ್, ಆತ್ಮಹತ್ಯೆ ಮಾಡಿಕೊಂಡಿದ್ದಾನೆಯೇ? ಏನಾದರೂ ಅನಾಹುತ ಸಂಭವಿಸಿದೆಯೇ ಅಥವಾ ಸ್ವಯಂ ಬೇರೆಡೆ ತೆರಳಿದ್ದಾನೆಯೇ ಎಂಬ ಅನುಮಾನಗಳು ಮೂಡುತ್ತಿದ್ದು ಕೋತಿರಾಜ್ ತಂಡದ ಶೋಧನೆಯಲ್ಲಾದರೂ ಪ್ರಕರಣ ಅಂತ್ಯ ಕಾಣಬಹುದು ಎಂಬ ನಿರೀಕ್ಷೆಯಲ್ಲಿ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.

ಶಿವಗಂಗೆ ಬೆಟ್ಟದಿಂದ ಬಿದ್ದು ಸಾಯಲು ಎಷ್ಟು ಸಮಯ ತೆಗೆದುಕೊಳ್ಳಬಹುದು ಎಂಬುದರ ಕುರಿತು ಅದ್ವೆತ್ ಹುಡುಕಾಟ ನಡೆಸಿರುವುದು ಪೊಲೀಸರ ತನಿಖೆಯಲ್ಲಿ ಪತ್ತೆಯಾಗಿದೆ. ಆತನ ಲ್ಯಾಪ್‌ಟಾಪ್ ವಶಕ್ಕೆ ಪಡೆದಿರುವ ಪೊಲೀಸರು ತಾಂತ್ರಿಕ ಅಂಶಗಳ ಹುಡುಕಾಟ ನಡೆಸಿದಾಗ ಈ ಅಂಶ ಬೆಳಕಿಗೆ ಬಂದಿದೆ ಎಂದು ಮೂಲಗಳು ತಿಳಿಸಿವೆ. ಬೆಟ್ಟದಿಂದ ಬಿದ್ದು ವ್ಯಕ್ತಿಯೊಬ್ಬರು ಸಾಯುವ ಸಾಧ್ಯತೆಯಿದೆ ಎಂಬುದನ್ನು ಸೂಚಿಸಿರುವುದರ ಬಗ್ಗೆ ಎಐ ಸೂಚಿಸಿದೆ ಇದನ್ನು ಅದ್ವೆತ್ ಸರ್ಚ್ ಮಾಡಿದ್ದಾನೆ ಎಂಬುದು ತನಿಖೆಯಲ್ಲಿ ತಿಳಿದುಬಂದಿದೆ.

ಸೂಚಿಸಿರುವುದನ್ನು

ನಿಶ್ಚಿತಾರ್ಥವಾಗಿತ್ತು:

ತನ್ನ ಬಹುಕಾಲದ ಗೆಳತಿಯೊಂದಿಗೆ ಇತ್ತೀಚಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಅದ್ವೆತ್ ಆ.7ರಂದು ಬೆಳಗ್ಗೆ ಶಿವಗಂಗೆ ಬೆಟ್ಟಕ್ಕೆ ಚಾರಣಕ್ಕೆ ತೆರಳುವುದಾಗಿ ತಿಳಿಸಿದ್ದ. ಅಂದು ಬೆಳಗ್ಗೆ 7 ಗಂಟೆ ಸುಮಾರಿಗೆ ಗೆಳತಿಗೆ ಬೆಟ್ಟದಿಂದ ಸೆಲ್ಫಿ ಕಳಿಸಿದ್ದ. ಬಳಿಕ ಆತನ ಮೊಬೈಲ್ ಪೋನ್ ಸ್ವಿಚ್ ಆ್ ಅಗಿದೆ ಎನ್ನಲಾಗಿದೆ.

ಡ್ರೋಣ್ ಕ್ಯಾಮರಾಕ್ಕೆ ಶಿವಗಂಗೆ ಬೆಟ್ಟದ ಒಂದು ಬಂದಿಯಲ್ಲಿ ಬಟ್ಟೆ ಹಾಗೂ ಹಳೆಯ ಬ್ಯಾಗ್ ಪತ್ತೆಯಾಗಿದೆ ಎನ್ನಲಾಗಿದೆ ಎನ್ನಲಾಗಿದೆ. ಆದರೆ ಇದು ಅದ್ವೆತ್‌ಗೆ ಸೇರಿದ ವಸ್ತುಗಳು ಎಂಬುದು ಖಚಿತವಾಗಿಲ್ಲ. ಬೆಟ್ಟದಲ್ಲಿನ ಪೊಟರೆಗಳು, ಸಣ್ಣ ಸಣ್ಣ ಗುಹೆಗಳಲ್ಲೂ ಶೋಧ ಕಾರ್ಯ ನಡೆಸಲಾಗಿದೆ ಆದರೆ ಆತನ ಯಾವುದೇ ಸುಳಿವು ಪತ್ತೆಯಾಗಿಲ್ಲ. ನಿರಂತರ ಮಳೆ, ಜಾರುವ ಬಂಡೆಗಳು ಮತ್ತು ಅಪಾಯಕಾರಿ ಭೂಪ್ರದೇಶದ ಕಾರಣ ಶೋಧ ತಂಡ ಹರಸಾಹಸ ನಡೆಸಿ ಕಾರ್ಯಾಚರಣೆ ನಡೆಸುತ್ತಿದೆ.

ಕಳೆದ 5 ದಿನಗಳಿಂದ ನೂರಕ್ಕೂ ಹೆಚ್ಚು ಸದಸ್ಯರೊಂದಿಗೆ ಪೊಲೀಸರು ಹುಡುಕಾಟ ನಡೆಸಿದರೂ ಅದ್ವೆತ್ ಸುಳಿವು ಪತ್ತೆಯಾಗಿಲ್ಲ. ಡ್ರೋಣ್ ಕ್ಯಾಮರಾ ಸೇರಿ ಆಧುನಿಕ ತಂತ್ರಜ್ಞಾನ ಬಳಸಲಾಗಿದೆ, ಮೊಬೈಲ್ ಟ್ರ್ಯಾಕಿಂಗ್ ಸೇರಿ ತಾಂತ್ರಿಕವಾಗಿಯೂ ತನಿಖೆ ನಡೆಸಲಾಗಿದೆ. ಆದರೂ ಶಿವಗಂಗೆ ಬೆಟ್ಟದ ವ್ಯಾಪ್ತಿಯಲ್ಲಿ ಅದ್ವೆತ್‌ನ ಸಣ್ಣ ಸುಳಿವೂ ಪತ್ತೆಯಾಗಿಲ್ಲ. ಈ ಹಿನ್ನೆಲೆಯಲ್ಲಿ ಗುರುವಾರ ಸಂಜೆ ಬಳಿಕ ಕಾರ್ಯಾಚರಣೆ ಸ್ಥಗಿತಗೊಳಿಸುವ ಬಗ್ಗೆ ಅಧಿಕಾರಿಗಳು ಚಿಂತಿಸಿದ್ದಾರೆ ಎನ್ನಲಾಗಿದೆ.

ಕಳೆದ 5 ದಿನಗಳಿಂದ ಸತತವಾಗಿ ಕಾರ್ಯಾಚರಣೆ ನಡೆಸಲಾಗಿದೆ, ಮಳೆ ಅಡ್ಡಿಯ ನಡುವೆಯೂ ಕಾರ್ಯಾಚರಣೆ ಸಿಬ್ಬಂದಿ ಸಾಕಷ್ಟು ಹರಸಾಹಸ ನಡೆಸಿ ಶೋಧ ಕಾರ್ಯ ನಡೆಸಿದ್ದಾರೆ. ಬುಧವಾರ ಚಿತ್ರದುರ್ಗದ ಕೋತಿರಾಜ್ ತಂಡದ ನೆರವು ಪಡೆದು ಕಾರ್ಯಾಚರಣೆ ನಡೆಸಲಾಗಿದೆ ಆದರೆ ಶಿವಗಂಗೆ ಬೆಟ್ಟದ ವ್ಯಾಪ್ತಿಯಲ್ಲಿ ಅದ್ವೆತನ ಸಣ್ಣ ಸುಳಿವೂ ಪತ್ತೆಯಾಗಿಲ್ಲ.