ಸಮಸ್ಯೆಗಳಿಗೆ ಶರಣರ ತತ್ವಗಳು ಪರಿಹಾರ

ನಗರದ ಪವಾಡ ಶ್ರೀ ಬಸವಣ್ಣ ದೇವರ ಮಠದಲ್ಲಿ ಬಸವ ಜಯಂತಿ ಪ್ರಯುಕ್ತ ಸೋಮವಾರ ಆಯೋಜಿಸಿದ್ದ ಪವಾಡಶ್ರೀ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮಾತನಾಡಿದರು

.

800 ವರ್ಷದ ಹಿಂದೆ ಇದ್ದಂತಹ ಪರಿಸ್ಥಿತಿಯನ್ನು ಹೇಗೆ ಎದುರಿಸಿದ್ದರು ಎಂಬುದನ್ನು ಅರ್ಥ ಮಾಡಿಕೊಂಡಲ್ಲಿ ಇಂದಿನ ಎಲ್ಲ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಬಹುದಾಗಿದೆ. ಬಸವಾದಿ ಶರಣರು ಅಂದು ಮಾಡಿರುವ ಕಾರ್ಯಗಳನ್ನು ಇಂದು ಮಠಮಾನ್ಯಗಳು ಮತ್ತೆ ಮಾಡುತ್ತಿವೆ ಎಂದರು.

ಬಸವಾದಿ ಶರಣರ ವಚನ ಸಾಹಿತ್ಯ ಜೀವನದ ಅನುಭವ ತೋರಿಸುತ್ತದೆ. ಆದರ್ಶಯುತ ವ್ಯಕ್ತಿಗೆ ಪ್ರಶಸ್ತಿ ಪ್ರದಾನ ಮಾಡುತ್ತಿರುವುದು ಮಾದರಿಯಾಗಿದೆ. ಆ ಅಸಾಧಾರಣ ಸಾಧನೆಯನ್ನು ಕ್ಯಾನ್ಸರ್​ ಹಿರಿಯ ತಜ್ಞೆ ಹಾಗೂ ಪದ್ಮಶ್ರೀ ಪ್ರಶಸ್ತಿ ಪುರಸತೆ ಡಾ.ವಿಜಯಲಕ್ಷಿ$್ಮ ಮಾಡಿ ತೋರಿಸಿದ್ದಾರೆ ಎಂದರು.

ಉನ್ನತಿ ಹೊಂದಬಹುದು: ಸರ್ಕಾರದ ಮಾಜಿ ಮುಖ್ಯಕಾರ್ಯದರ್ಶಿ ಬಿ.ಎಸ್​ ಪಾಟೀಲ್​ ಮಾತನಾಡಿ, ಬಸವಣ್ಣರ ತತ್ವಸಿದ್ಧಾಂತ ಅನುಸರಿಸಿದಲ್ಲಿ ಸಂಸ್ಕಾರವಂತರಾಗಿ ಉನ್ನತಿ ಹೊಂದಬಹುದು. ಬಸವ ಜಯಂತಿ ಆಚರಣೆ ಬಗ್ಗೆ ಕೇಳಿದ್ದೆ ಹಾಗೂ ನೋಡಿದ್ದೆ. ಆದರೆ ವಿಭಿನ್ನವಾಗಿ ಆಚರಣೆ ಮಾಡುತ್ತಿರುವ ಇಲ್ಲಿ ನನಗೆ ಅವಕಾಶ ದೊರೆತಿದ್ದು ಸಂತೋಷವಾಗಿದೆ ಎಂದರು.

ಬೆಟ್ಟಹಳ್ಳಿಮಠದ ಶ್ರೀ ಚಂದ್ರಶೇಖರ ಶಿವಾಚಾರ್ಯಸ್ವಾಮೀಜಿ, ನಗರಸಭೆ ಅಧ್ಯಕ್ಷ ಎನ್​.ಗಣೇಶ್​, ಉಪಾಧ್ಯಕ್ಷ ಆನಂದ್​, ಸದಸ್ಯರಾದ ಸಿ.ಪ್ರದಿಪ್​, ಪೂರ್ಣಿಮಾ ಸುಗ್ಗರಾಜು, ಅಖಿಲ ಭಾರತ ವೀರಶೈವ ಮಹಾಸಭಾ ರಾಜ್ಯ ಮಹಿಳಾ ಕಾರ್ಯದರ್ಶಿ ರಾಜಮ್ಮ, ಜಿಲ್ಲಾಧ್ಯಕ್ಷ ರೇವಣಸಿದ್ಧಯ್ಯ, ತಾಲೂಕು ಅಧ್ಯಕ್ಷ ರಾಜಶೇಖರ್​, ಮಹಿಳಾ ಘಟಕದ ಅಧ್ಯಕ್ಷೆ ವೇದಾವತಿ, ಮಾಜಿ ಶಾಸಕ ಎಂ.ವಿ.ನಾಗರಾಜು, ಮಾಜಿ ಉಪಮೇಯರ್​ ಬಿ.ಎಸ್​.ಪುಟ್ಟರಾಜು, ರಾಷ್ಟ್ರೀಯ ಬಸವಪ್ರತಿಷ್ಠಾನ ಅಧ್ಯಕ್ಷ ಎಸ್​.ಎಂ.ಸುರೇಶ್​, ಕರ್ನಾಟಕ ಮರಾಠ ಸಮುದಾಯಗಳ ಅಭಿವೃದ್ಧಿ ನಿಗಮ ಅಧ್ಯಕ್ಷ ಜಿಎಚ್​.ಮರಿಯೋಜಿರಾವ್​, ಕರ್ನಾಟಕ ವಿಚಾರವೇದಿಕೆ ಅಧ್ಯಕ್ಷ ಪಾಲನೇತ್ರ, ನಿವೃತ್ತ ವೀರಶೈವ ನೌಕರರ ಸಂಘದ ಅಧ್ಯಕ್ಷ ನಾಗರಾಜು, ಕ್ಷೇಮಾಭಿವೃದ್ಧಿ ನೌಕರರ ಸಂಘದ ಅಧ್ಯಕ್ಷ ಪರಮೇಶ್​.ಬಿ.ಅದರಂಗಿ, ಕದಳಿವೇದಿಕೆ ಅಧ್ಯಕ್ಷೆ ಮಂಜುಳಾಸುರೇಶ್​, ರೈತಮೋರ್ಚಾ ಜಿಲ್ಲಾಧ್ಯಕ್ಷ ಕೆ.ಪಿ.ಬೃಂಗೀಶ್​ ಇದ್ದರು.

ನೆಮ್ಮದಿ ಜೀವನ ಮಾಡಬಹುದು: ಪವಾಡ ಶ್ರೀ ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಡಾ.ವಿಜಯಲಕ್ಷಿ$್ಮ ದೇಶಮಾನೆ, ಬಸವಣ್ಣ ಮತ್ತು ಅಕ್ಕಮಹಾದೇವಿ ಎಂದರೆ ನನಗೆ ಬಾಲ್ಯದಿಂದಲೂ ಇಷ್ಟ. ನಮ್ಮದು ಕಲುಬುರಗಿ, ನಮ್ಮ ಬೀದಿಗೆ ಬಸವಣ್ಣ ಬಂದು ಹೋಗಿರುವ ಬಗ್ಗೆ ನಿದರ್ಶಗಳಿವೆ. ಈ ಕಾರಣದಿಂದಲೇ ಈ ಪ್ರಶಸ್ತಿ ದೊರೆತಿದೆ ಎಂದು ಭಾವಿಸಿದ್ದೇನೆ ಎಂದರು. ಅಣ್ಣ ಬಸವಣ್ಣ ಹೇಳಿದಂತೆ ನಡೆದಲ್ಲಿ ನೆಮ್ಮದಿಯಿಂದ ಜೀವನದ ಮಾಡಬಹುದಾಗಿದೆ ಎಂದರು.

ರಥೋತ್ಸವ: ಮಠದ ಆವರಣದಲ್ಲಿ ಬಸವಣ್ಣದೇವರ ರಥೋತ್ಸವ ವಿಜೃಂಭಣೆಯಿಂದ ನೆರವೇರಿಸಲಾಯಿತು. ಕಂಚುಗಲ್ಲು ಬಂಡೆಮಠದ ಶ್ರೀ ಮಹಾಲಿಂಗೇಶ್ವರ ಸ್ವಾಮೀಜಿ ರಥೋತ್ಸವಕ್ಕೆ ಚಾಲನೆ ನೀಡಿದರು. ಇದಕ್ಕೂ ಮುನ್ನ ಗದ್ದುಗೆಮಠದ ಶ್ರೀ ಮಹಾಂತ ಸ್ವಾಮೀಜಿ ಷಟ್​ಸ್ಥಲ ಧ್ವಜಾರೋಹಣ ನೆರವೇರಿಸಿದರು.

ಬಹುಮಾನ ವಿತರಣೆ: ಬಸವ ಜಯಂತಿ ಪ್ರಯುಕ್ತ ಆಯೋಜಿಸಿದ್ದ 1000 ವಚನ ಕಂಠಪಾಠ ಸ್ಪರ್ಧೆಯಲ್ಲಿ 1,420 ವಚನ ಹೇಳಿದ ಹಾಸನ ಜಿಲ್ಲೆ ಬೇಲೂರಿನ ನೀಲಾನಾಗಭೂಷಣ್​ (ಪ್ರಥಮ ಬಹುಮಾನ 1 ಲಕ್ಷ ರೂ.) 870 ವಚನ ಹೇಳಿದ ಕಲಬುರಗಿ ಜಿಲ್ಲೆ ಚಿಂಚೋಳಿ ತಾಲೂಕು ಚಿಮ್ಮನಚೂಡ ಗ್ರಾಮ ಜಗದೀಶ್​ ಮರಪಳ್ಳಿ (ದ್ವೀತಿಯ ಬಹುಮಾನ 75 ಸಾವಿರ), 853 ವಚನ ಹೇಳಿದ ಬೆಳಗಾವಿಯ ಲತಾ ಶಿವಾನಂದಪಾಟೀಲ್​ (ತೃತೀಯ/50 ಸಾವಿರ) ಅವರನ್ನು ನಗದು ಬಹುಮಾನ ನೀಡಿ ಗೌರವಿಸಲಾಯಿತು.