ಬೇಡಿಕೆ ಈಡೇರಿಕೆಗೆ ಒತ್ತಾಯಿಸಿ ಧರಣಿ

ದೇವನಹಳ್ಳಿ ತಾಲೂಕಿನಲ್ಲಿ ಬಡವರ ಕೆಲಸ ಕಾರ್ಯಗಳನ್ನು ಸಂಪೂರ್ಣವಾಗಿ ಕಡೆಗಣಿಸಿದ್ದಾರೆ. ಸರ್ಕಾರಿ ಆಸ್ತಿಗಳು ರಕ್ಷಣೆ ವಾಡುವ ಅಧಿಕಾರಿಗಳೇ , ಭೂಗಳ್ಳರಿಗೆ ದಳ್ಳಾಳಿಗಳಾಗಿದ್ದಾರೆ ಕೊಟ್ಟ ದೂರುಗಳಿಗೆ ಕವಡೆ ಕಾಸಿನ ಬೆಲೆ ನೀಡದೆ ಕಸದ ಬುಟ್ಟಿಗೆ ಎಸೆಯುತ್ತಿದ್ದಾರೆ ಎಂದು ಭಾರತೀಯ ಕಿಸಾನ್ ಸಂದ ದೇವನಹಳ್ಳಿ ತಾಲೂಕು ಅಧ್ಯಕ್ಷ ಶಿವಕುವಾರ್ ಆರಾಧ್ಯ ಆರೋಪಿಸಿದರು.

ಜಿಲ್ಲಾಡಳಿತ ಕಚೇರಿ ಮುಂಭಾಗದಲ್ಲಿ ಸೋಮವಾರ ಭಾರತೀಯ ಕಿಸಾನ್ ಸಂ (ಕರ್ನಾಟಕ ಪ್ರದೇಶ)ವತಿಯಿಂದ ಹಮ್ಮಿಕೊಂಡಿದ್ದ ಧರಣಿಯಲ್ಲಿ ಮಾತನಾಡಿದರು. ಸರ್ಕಾರಿ ಜಮೀನು, ಗುಂಡು ತೋಪುಗಳು, ಓಣಿ, ಬಂಡಿಜಾಡು, ಕಾಲು ದಾರಿ, ಸ್ಮಶಾನ, ಕೆರೆಕುಂಟೆ ಸೇರಿ ನೂರಾರು ಕೋಟಿ ರೂ.ಬೆಲೆ ಬಾಳುವ ಸಾರ್ವಜನಿಕ ಆಸ್ತಿಗಳು ಅಕ್ರಮ ಖಾತೆಗಳ ಮೂಲಕ ಕಣ್ಮರೆಯಾಗಿವೆ, ಈ ಸಂಬಂಧ ಅನೇಕ ಬಾರಿ ಅಧಿಕಾರಿಗಳಿಗೆ ದೂರು ನೀಡಿದರು ಕ್ರಮ ಕೈಗೊಳ್ಳದೆ ಮೌನವಹಿಸುತ್ತಿದ್ದಾರೆ ಎಂದು ದೂರಿದರು.

ಪ್ರತಿ 6 ತಿಂಗಳಿಗೊಮ್ಮೆ ತಾಲೂಕು ದಂಡಾಧಿಕಾರಿಗಳು ಕರೆಯುತ್ತಿದ್ದ ರೈತರ ಕುಂದು ಕೊರತೆ ಸಭೆ ಕಾಟಚಾರ ಎನ್ನುವಂತಾಗಿದೆ. ಸಬೂಬುಗಳನ್ನು ಹೇಳಿ ಸಭೆಗಳನ್ನು ಮುಂದೂಡುವುದು ಅಲ್ಲದೆ ಸಾರ್ವಜನಿಕರ ಆಹವಾಲುಗಳಿಗೆ ಸಮಯವೇ ಮೀಸಲಿಡದ ಕಾರಣ ರೈತರು ಸಂಕಷ್ಟ ಎದುರಿಸುವಂತಾಗಿದೆ. ಸಾರ್ವಜನಿಕರ ಹಿತ ದಷ್ಟಿಯಿಂದ ನಮ್ಮ ಹೋರಾಟವನ್ನು ಕೈ ಗೆತ್ತಿಕೊಂಡಿದ್ದೇವೆ ಈ ಹೋರಾಟ ಕೇವಲ ಸಾಂಕೇತಿಕವಾಗಿದ್ದು ಬೇಡಿಕೆ ಈಡೇರದಿದ್ದಲ್ಲಿ ಸರ್ಕಾರದ ವಿರುದ್ಧ ದೊಡ್ಡಮಟ್ಟದಲ್ಲಿ ರೈತರನ್ನು ಸಂಟಿಸಿ ಉಗ್ರ ಹೋರಾಟ ಆರಂಭಿಸಲಾಗುವುದು ಎಂದು ಭಾರತೀಯ ಕಿಸಾನ್ ಸಂ (ಕರ್ನಾಟಕ ಪ್ರದೇಶ) ತಾಲೂಕು ಪ್ರಧಾನ ಕಾರ್ಯದರ್ಶಿ ಶಶಿಧರ್ ಎಚ್ಚರಿಕೆ ನೀಡಿದರು.