ಬೆಂಗಳೂರು ಗ್ರಾಮಾಂತರ

ಮನರಂಜನೆ ಜತೆಗೆ ಸತ್ಯ, ಧರ್ಮ ತಿಳಿಸುವ ಪೌರಾಣಿಕ ನಾಟಕಗಳು

ನೆಲಮಂಗಲದಲ್ಲಿ ಶ್ರೀ ರಾಮಾಂಜನೇಯ ರಂಗಕಲಾ ವೇದಿಕೆ ಹಾಗೂ ಶ್ರೀ ನೀಲಕಂಠೇಶ್ವರ ಕಲಾ ಟ್ರಸ್ಟ್​ ಉದ್ಘಾಟನೆ ಹಾಗೂ ನಾಟಕೋತ್ಸವಕ್ಕೆ ಗ್ರಾಮಾಂತರ ಜಿಲ್ಲಾ ರಂಗ ಕಲಾವಿದರ ಸಂಘದ ಗೌರವಾಧ್ಯಕ್ಷ ಕಂಠನಕುಂಟೆ ಕೃಷ್ಣ್ಣಮೂರ್ತಿ ಚಾಲನೆ ನೀಡಿದರು. ಜಿಲ್ಲಾಧ್ಯಕ್ಷ ಕೆಂಪಣ್ಣ, ಶ್ರೀ ರಾಮಾಂಜನೇಯ ರಂಗಕಲಾ ವೇದಿಕೆ ಗೌರವಾಧ್ಯಕ್ಷ ಜಯಣ್ಣ, ಅಧ್ಯಕ್ಷ ಜ್ಯೋರ್ತಿಲಿಂಗಪ್ಪ, ಖಜಾಂಚಿ ವೆಂಕಟೇಶ್​, ನಿರ್ದೇಶಕ ಪ್ರದಿಪ್​ಕುಮಾರ್​ ಇತರರು ಇದ್ದರು.
ನೆಲಮಂಗಲದಲ್ಲಿ ಶ್ರೀ ರಾಮಾಂಜನೇಯ ರಂಗಕಲಾ ವೇದಿಕೆ ಹಾಗೂ ಶ್ರೀ ನೀಲಕಂಠೇಶ್ವರ ಕಲಾ ಟ್ರಸ್ಟ್​ ಉದ್ಘಾಟನೆ ಹಾಗೂ ನಾಟಕೋತ್ಸವಕ್ಕೆ ಗ್ರಾಮಾಂತರ ಜಿಲ್ಲಾ ರಂಗ ಕಲಾವಿದರ ಸಂಘದ ಗೌರವಾಧ್ಯಕ್ಷ ಕಂಠನಕುಂಟೆ ಕೃಷ್ಣ್ಣಮೂರ್ತಿ ಚಾಲನೆ ನೀಡಿದರು. ಜಿಲ್ಲಾಧ್ಯಕ್ಷ ಕೆಂಪಣ್ಣ, ಶ್ರೀ ರಾಮಾಂಜನೇಯ ರಂಗಕಲಾ ವೇದಿಕೆ ಗೌರವಾಧ್ಯಕ್ಷ ಜಯಣ್ಣ, ಅಧ್ಯಕ್ಷ ಜ್ಯೋರ್ತಿಲಿಂಗಪ್ಪ, ಖಜಾಂಚಿ ವೆಂಕಟೇಶ್​, ನಿರ್ದೇಶಕ ಪ್ರದಿಪ್​ಕುಮಾರ್​ ಇತರರು ಇದ್ದರು.
Published on: 

ಪ್ರಮುಖ ಮುಖ್ಯಾಂಶಗಳು

  • ಮನರಂಜನೆ ಜತೆಗೆ ಸತ್ಯ, ಧರ್ಮ ತಿಳಿಸುವ ಪೌರಾಣಿಕ ನಾಟಕಗಳು
ಮನರಂಜನೆ ಜತೆಗೆ ಸತ್ಯ, ಧರ್ಮ ತಿಳಿಸುವ ಪೌರಾಣಿಕ ನಾಟಕಗಳು
ನೆಲಮಂಗಲ:

ಪೌರಾಣಿಕ ನಾಟಕಗಳನ್ನು ನೋಡುವುದರಿಂದ ಜೀವನದಲ್ಲಿ ಬದುಕಿನ ಮೌಲ್ಯಗಳನ್ನು ಅಳವಡಿಸಿಕೊಂಡು ಸಮಾಜಕ್ಕೆ ಮಾದರಿಯಾಗಿ ಬದುಕಲು ಸಾಧ್ಯ ಎಂದು ಗ್ರಾಮಾಂತರ ಜಿಲ್ಲಾ ರಂಗ ಕಲಾವಿದರ ಸಂಘದ ಗೌರವಾಧ್ಯಕ್ಷ ಕಂಠನಕುಂಟೆ ಕೃಷ್ಣ್ಣಮೂರ್ತಿ ತಿಳಿಸಿದರು.

ನಗರದ ಶ್ರೀನಿವಾಸ ಸಮುದಾಯ ಭವನದ ಮುಂಭಾಗದಲ್ಲಿ ಶ್ರೀ ರಾಮಾಂಜನೇಯ ರಂಗಕಲಾ ವೇದಿಕೆ ಹಾಗೂ ಶ್ರೀ ನೀಲಕಂಠೇಶ್ವರ ಕಲಾ ಟ್ರಸ್ಟ್​ ಉದ್ಘಾಟನೆ ಹಾಗೂ ಗೌರಿ ಗಣೇಶ ಹಬ್ಬದ ಅಂಗವಾಗಿ ಶುಕ್ರವಾರ ಹಮ್ಮಿಕೊಂಡಿದ್ದ ನಾಟಕೋತ್ಸವಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಪೌರಾಣಿಕ ನಾಟಕಗಳು ಮನರಂಜನೆ ಜತೆಗೆ ಜೀವನದ ಮೌಲ್ಯ, ಸತ್ಯ-ಧರ್ಮದ ಮಹತ್ವವನ್ನು ತಿಳಿಸಿಕೊಡುತ್ತವೆ. ಅಳಿವಿನಂಚಿನಲ್ಲಿರುವ ಪೌರಾಣಿಕ ರಂಗಕಲೆಯನ್ನು ಉಳಿಸಿ ಬೆಳೆಸುವುದು ಎಲ್ಲರ ಜವಾಬ್ದಾರಿ. ಕಲಾವಿದರು ತಿಂಗಳುಗಟ್ಟಲೇ ಕಷ್ಟಪಟ್ಟು ಅಭ್ಯಾಸ ಮಾಡಿದ್ದು, ಸಾರ್ವಜನಿಕರು ನಾಟಕ ವೀಕ್ಷಿಸುವ ಮೂಲಕ ಅವರಿಗೆ ಪ್ರೋತ್ಸಾಹ ನೀಡಬೇಕು. ಪ್ರಸ್ತುತ ಸಮಾಜದಲ್ಲಿ ನಾಟಕೋತ್ಸವ ಮಾಡುವುದು ಸುಲಭದ ಕಾರ್ಯವಲ್ಲ. ಆದರೂ ಜನರಿಗೆ ಪೌರಾಣಿಕ ನಾಟಕಗಳ ಮೌಲ್ಯವನ್ನು ತಿಳಿಸುವ ಕಾರ್ಯಕ್ಕೆ ತಿಂಗಳ ಕಾಲ ನಾಟಕೋತ್ಸವ ಆಯೋಜಿಸಿದ್ದು ಉತ್ತಮ ಸಂಗತಿ ಎಂದರು.
ಗ್ರಾಮಾಂತರ ಜಿಲ್ಲಾ ರಂಗ ಕಲಾವಿದರ ಸಂಘದ ಅಧ್ಯಕ್ಷ ಕೆಂಪಣ್ಣ ಮಾತನಾಡಿ, ಹಿಂದಿನ ದಿನಗಳಲ್ಲಿ ಪೌರಾಣಿಕ ನಾಟಕಗಳು ನಿರಂತರವಾಗಿ ಪ್ರದರ್ಶನಗೊಂಡು ಜನಮಾನಸದಲ್ಲಿ ಆಳವಾದ ಪ್ರಭಾವ ಬೀರಿದ್ದವು. ನಾಟಕಗಳ ಪಾತ್ರಗಳು, ಸಂದೇಶಗಳು ಜನರ ಜೀವನಶೈಲಿಯಲ್ಲೇ ಅಳವಡಿಸಿಕೊಳ್ಳುವಷ್ಟ್ಟು ಪ್ರಭಾವಶಾಲಿಯಾಗಿದ್ದವು. ಆದರೆ, ಇಂದುನಾಟಕ ಪ್ರದರ್ಶನಗಳೇ ಕ್ಷೀಣಿಸುತ್ತಿರುವುದು ಬೇಸರದ ಸಂಗತಿ ಎಂದರು.
ನಾಡಿನ ಕಲೆ, ಸಂಸತಿ,ಸಾಹಿತ್ಯ ಉಳಿಸುವ ಕಾರ್ಯದಲ್ಲಿ ಸಂಘ&ಸಂಸ್ಥೆಗಳು ಮುಂಚೂಣಿಯಲ್ಲಿ ನಿಂತು ಯುವ ಪೀಳಿಗೆಗೆ ಮಾದರಿಯಾಗಬೇಕು. ಪೌರಾಣಿಕ ನಾಟಕಗಳ ಮೂಲಕ ಭಾರತೀಯ ಸಂಸತಿ, ಮೌಲ್ಯಗಳು ಹಾಗೂ ಜೀವನದ ಆದರ್ಶಗಳನ್ನು ಮುಂದಿನ ತಲೆಮಾರಿಗೆ ಪರಿಚಯಿಸುವ ಅಗತ್ಯವಿದೆ ಎಂದರು.

ಶ್ರೀ ರಾಮಾಂಜನೇಯ ರಂಗಕಲಾ ವೇದಿಕೆ ಹಾಗೂ ಶ್ರೀ ನೀಲಕಂಠೇಶ್ವರ ಕಲಾ ಟ್ರಸ್ಟ್​ ಉದ್ಘಾಟನೆ ಹಾಗೂ ಗೌರಿ ಗಣೇಶ ಹಬ್ಬದ ಪ್ರಯುಕ್ತ ಅ.29ರಿಂದ ಸೆ.27ರವರೆಗೂ ನಾಟಕೋತ್ಸವ ಹಮ್ಮಿಕೊಳ್ಳಲಾಗಿದೆ. ಸಂಘಗಳ ಉದ್ಘಾಟನೆ ಪ್ರಯುಕ್ತ ಮುನಿರಾಜು ಅವರ ನಿರ್ದೇಶನದಲ್ಲಿ "ದಕ್ಷಯಾಗ ಅಥವಾ ದಾಕ್ಷಾಯಿಣಿ ಅಗ್ನಿ ಪ್ರವೇಶ' ನಾಟಕವನ್ನು ಶ್ರೀ ನೀಲಕಂಠೇಶ್ವರ ಕಲಾ ಟ್ರಸ್ಟ್​ನ ಮೈಲನಹಳ್ಳಿ ಕಲಾವಿದರು ಪ್ರದರ್ಶಿಸಿದರು.

ನೀಲಕಂಠೇಶ್ವರ ಕಲಾ ಟ್ರಸ್ಟ್​ ಅಧ್ಯಕ್ಷ ಲೋಕೇಶ್​, ಹಿರಿಯ ರಂಗಭೂಮಿ ನಾಟಕ ನಿರ್ದೇಶಕ ರಾಜಶೇಖರಯ್ಯ, ಗ್ರಾಪಂ ಮಾಜಿ ಅಧ್ಯಕ್ಷ ಅಂಜನಮೂರ್ತಿ, ರಾಜ್ಯ ಸರ್ಕಾರಿ ನೌಕರರ ಕಲೆ ಮತ್ತು ಸಾಹಿತ್ಯ ಪರಿಷತ್​ಅಧ್ಯಕ್ಷ ಮಲ್ಲಿಕಾರ್ಜುನ್​, ಬ್ಲಾಕ್​ ಕಾಂಗ್ರೆಸ್​ ಮಾಜಿ ಅಧ್ಯಕ್ಷ ಟಿ.ನಾಗರಾಜು, ಕಲಾವಿದರಾದ ಟಿ.ನಾಗರಾಜು, ದಿನೇಶ್​, ಉಮೇಶ್​, ಪ್ರಭಾಕರ್​, ಸಂಪತ್​ ಮತ್ತಿತರರು ಇದ್ದರು.
mythological plays that impart truth and righteousness alongside entertainment.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net