ಸುಪಾರಿ ಕೊಟ್ಟು ಜಿಮ್​ ಟ್ರೈನರ್​ ಹತ್ಯೆ?

ಸುಪಾರಿ ಕೊಟ್ಟು ಜಿಮ್​ ಟ್ರೈನರ್​ ಹತ್ಯೆ?

ಕೋಲಾರ ಜಿಲ್ಲೆ ಮುಳಬಾಗಿಲಿನ ಜಿಮ್​ ಟೆನರ್​ ವಿಜಯ್​ ಕೊಲೆ ಕೇಸ್​ ಬೆಳಕಿಗೆ ಬಂದು ಹತ್ತು ದಿನಗಳಾಗಿದ್ದು, ಸದ್ಯ ಪ್ರಕರಣ ದಿನಕ್ಕೊಂದು ತಿರುವು ಪಡೆದುಕೊಳ್ಳುತ್ತಿದೆ. ಆರಂಭದಲ್ಲಿ ಅಪರಿಚಿತ ಶವ ಪತ್ತೆ ಬಳಿಕ ಜಿಮ್​ ಟೆನರ್​ ವಿಜಯ್​ ಶವ ಎಂಬುದು ಗೊತ್ತಾಗುತ್ತಿದ್ದಂತೆ ಸುಪಾರಿ ಸುಳಿವು ಸಿಕ್ಕಿ ಹೈ ಪ್ರೊಫೈಲ್​ ಪ್ರಕರಣವಾಗಿ ಬದಲಾಗಿತ್ತು. ಪ್ರಕರಣ ಸಂಬಂಧ ಬನ್ನೇರುಟ್ಟ ಪೊಲೀಸರು ಆನೇಕಲ್​ ಮೂಲದ ಶ್ರೀರಾಮ್​, ಸುಮಿತ್​, ವೆಂಕಟೇಶಯ್ಯ ಮತ್ತು ಬಾಬು ಎಂಬುವವರನ್ನು ಬಂಧನ ಮಾಡುತ್ತಿದ್ದಂತೆ ಇಡೀ ಪ್ರಕರಣ ಬೇರೆಯದೇ ತಿರುವು ಪಡೆದುಕೊಂಡಿದೆ.

ವಿಜಯ್​ ಕೊಲೆ ಹಿಂದೆ ಆತನ ಪ್ರೇಯಸಿ ತಂದೆ ಉದ್ಯಮಿ ಕಾಮಿನೇನಿ ಪ್ರಸಾದ್​ ಕೈವಾಡ ಇದೆ. ಅವರು ಕೋಟಿ ಕೋಟಿ ಸುಪಾರಿ ನೀಡಿ ಕೊಲೆ ಮಾಡಿಸಿದ್ದಾರೆ ಎಂದು ಮೃತ ವಿಜಯ್​ ಕುಟುಂಬದವರು ಗಂಭೀರ ಆರೋಪ ಮಾಡಿದ್ದಾರೆ.

ಪ್ರಕರಣದ ಪ್ರಮುಖ ಆರೋಪಿ ಶ್ರೀರಾಮ್​ ಸುಪಾಯಿ ಬಗ್ಗೆ ಮಾಹಿತಿ ನೀಡಿದ್ದಾನೆ ಎನ್ನಲಾಗಿದೆ. ಆನೇಕಲ್​ ವಕೀಲನ ಮೂಲಕ ಅವರ ಕಚೇರಿಯಲ್ಲಿಯೇ ಕಾಮಿನೇನಿ ಪ್ರಸಾದ್​ ಪರಿಚಯವಾಗಿದ್ದು, ಕೊಲೆ ಬಗ್ಗೆ ಮಾತುಕತೆ ನಡೆಸಿದ್ದರ ಬಗ್ಗೆಯೂ ಒಪ್ಪಿಕೊಂಡಿದ್ದಾನೆ ಎಂಬ ಮಾತಿ ಲಭ್ಯವಾಗಿದೆ.

ಈ ನಡುವೆ ಹತ್ತು ದಿನದ ಹಿಂದೆ ಬನ್ನೇರುಟ್ಟ ಠಾಣೆ ವ್ಯಾಪ್ತಿಯ ಕಾಳೇಶ್ವರಿ ಗ್ರಾಮದ ರ್ನಿಜನ ಪ್ರದೇಶದಲ್ಲಿ ಕೊಳೆತ ಸ್ಥಿತಿಯಲ್ಲಿ ಶವ ಪತ್ತೆಯಾಗಿತ್ತು. ಕೊಲೆ ಪ್ರಕರಣ ದಾಖಲಿಸಿಕೊಂಡು ತನಿಖೆಗಿಳಿದ ಪೊಲೀಸರಿಗೆ ಕಾಲ್​ ಡಿಟೇಲ್ಸ್​, ಸಿಡಿಆರ್​, ಲೊಕೇಷನ್​ ಟವರ್​ ಡಂಪ್​ ಸೇರಿ ತಾಂತ್ರಿಕ ಸಾಕ್ಷ್ಯಗಳ ಆಧಾರದ ಮೇಲೆ ಆನೇಕಲ್​ ಮೂಲದ ನಾಲ್ವರನ್ನು ಬಂಧಿಸಿದ್ದರು.